బ్యాంక్ త‌ర‌లించొద్ద‌ని గ్రామ‌స్తుల ధ‌ర్నా

జాజిరెడ్డిగూడెం గ్రామంలో అనేక సంవత్సరాలుగా ప్రజలకు సేవలందిస్తున్న స్టేట్ బ్యాంక్ ఆఫ్ ఇండియా (SBI) శాఖను వేరే ప్రాంతానికి తరలించేందుకు చేస్తున్న ప్రయత్నాలను వెంటనే విరమించుకోవాలని డిమాండ్ చేస్తూ బుధవారం జాజిరెడ్డిగూడెంలో గ్రామ ప్రజలు...

– బ్యాంకు తరలింపు కోసం వేసిన టెండర్లను వెంటనే రద్దు చేయాలని డిమాండ్‌

అర్వపల్లి, నవంబర్ 04 : జాజిరెడ్డిగూడెం గ్రామంలో అనేక సంవత్సరాలుగా ప్రజలకు సేవలందిస్తున్న స్టేట్ బ్యాంక్ ఆఫ్ ఇండియా (SBI) శాఖను వేరే ప్రాంతానికి తరలించేందుకు చేస్తున్న ప్రయత్నాలను వెంటనే విరమించుకోవాలని డిమాండ్ చేస్తూ బుధవారం జాజిరెడ్డిగూడెంలో గ్రామ ప్రజలు ధర్నా నిర్వహించారు. ఈ సందర్భంగా ప‌లువురు మాట్లాడుతూ… 1985 నుండి జాజిరెడ్డిగూడెంలో కొనసాగుతున్న ఈ శాఖ ద్వారా గ్రామంలోని రైతులు, మహిళలు, విద్యార్థులు, ఉద్యోగులు, వ్యాపారులు బ్యాంకింగ్ సేవలు పొందుతున్నారని తెలిపారు. బ్యాంకు శాఖను వేరే ప్రాంతానికి తరలిస్తే ప్రజలు తీవ్ర ఇబ్బందులు ఎదుర్కోవాల్సి వస్తుందని ఆవేదన వ్యక్తం చేశారు. బ్యాంకు తరలింపునకు సంబంధించి ఇప్పటికే వేసిన టెండర్లను తక్షణమే రద్దు చేయాలని, జాజిరెడ్డిగూడెం గ్రామంలోనే SBI బ్యాంకు శాఖను కొనసాగించాలని డిమాండ్ చేశారు. ప్రజల అవసరాలు, ఖాతాదారుల ప్రయోజనాలను దృష్టిలో పెట్టుకుని బ్యాంకు అధికారులు నిర్ణయం తీసుకోవాలని కోరారు. ప్రజల అభిప్రాయాలను పట్టించుకోకుండా బ్యాంకును తరలించేందుకు ప్రయత్నిస్తే గ్రామ ప్రజలందరినీ కలుపుకుని పెద్ద ఎత్తున ఉద్యమం చేపడతామని హెచ్చరించారు.