అరుదైన రికార్డులతో ఆగమనం

అగ్రనటుడు మహేశ్‌బాబు, అగ్ర దర్శకుడు ఎస్‌.ఎస్‌. రాజమౌళి కాంబినేషన్‌లో రూపొందుతున్న ‘వారణాసి’ సినిమాపై ఉన్నంత క్రేజ్‌ మరే సినిమాపై లేదన్నది నిజం. కేవలం టైటిల్‌ గ్ల్రింప్స్‌తోనే కథ, దాని స్థాయిని ప్రేక్షకులకి పరిచయం చేసి, సినిమాపై అంచనాలను ఆకాశంలో కూర్చోబెట్టారు రాజమౌళి.

అగ్రనటుడు మహేశ్‌బాబు, అగ్ర దర్శకుడు ఎస్‌.ఎస్‌. రాజమౌళి కాంబినేషన్‌లో రూపొందుతున్న ‘వారణాసి’ సినిమాపై ఉన్నంత క్రేజ్‌ మరే సినిమాపై లేదన్నది నిజం. కేవలం టైటిల్‌ గ్ల్రింప్స్‌తోనే కథ, దాని స్థాయిని ప్రేక్షకులకి పరిచయం చేసి, సినిమాపై అంచనాలను ఆకాశంలో కూర్చోబెట్టారు రాజమౌళి. ఈ ఫాంటసీ, మైథలాజికల్‌ మూవీలోని ఓ ఎపిసోడ్‌లో మహేష్‌ శ్రీరాముడిగా కనిపించనున్న విషయం తెలిసిందే. 120 పైచిలుకు దేశాల్లో వచ్చే ఏడాది ఏప్రిల్‌ 7న ఈ సినిమాను విడుదల చేసేందుకు నిర్మాతలు సన్నాహాలు చేస్తున్నారు. దీంతో అత్యధిక దేశాల్లో విడుదలైన భారతీయ సినిమాగా ‘వారణాసి’ రికార్డ్‌ సృష్టించనున్నది.

ఇదిలావుంటే.. ఈ సినిమాపై ఉన్న క్రేజ్‌ని దృష్టిలో పెట్టుకొనే ఓ ప్రముఖ డిస్ట్రిబ్యూషన్‌ సంస్థ భారతీయ భాషలకు సంబంధించి ఓవర్సీస్‌ హక్కులకు గాను రూ.160 కోట్లు ఆఫర్‌ చేసినట్టు సినీవర్గాల్లో టాక్‌ వినిపిస్తున్నది. అయితే.. ఈ విషయంపై అధికారిక ప్రకటన రావాల్సివుంది. ఒకవేళ ఇదే నిజమైతే.. ఓవర్సీస్‌ రైట్స్‌లోనూ ఇన్ని కోట్లతో అమ్ముడుబోయిన తొలి ఇండియన్‌ సినిమాగా ‘వారణాసి’ నిలుస్తుంది. విడుదలకు ముందే రేర్‌ రికార్డులను సృస్టిస్తున్న ఈ సినిమా, ఇక విడుదలయ్యాక, ఎన్ని రికార్డులను బద్దలు చేస్తుందో చూడాలి.