జ్ఞాపకాల వెల్లువలో హైకూ

కాలేజీ రోజుల నాటి అందమైన ప్రేమ జ్ఞాపకాలకు అద్దం పడుతూ రూపొందించిన తమిళ చిత్రం ‘హైకూ’ తెలుగులో అదే పేరుతో ఈ నెల 23న విడుదలకు సిద్ధమవుతున్నది.

ఏగన్‌, ‘కోర్ట్‌’ ఫేమ్‌ శ్రీదేవి, ఫెమినా జార్జ్‌ ప్రధాన పాత్రల్లో నటించిన ఈ చిత్రానికి యువరాజ్‌ చిన్నసామి దర్శకత్వం వహించారు. డి.అరుళానందు, మాథ్యూ అరుళానందు నిర్మాతలు.

శనివారం ఏర్పాటు చేసిన విలేకరులో సమావేశంలో కథానాయిక శ్రీదేవి మాట్లాడుతూ..తన హృదయానికి ఎంతో దగ్గరైన చిత్రమిదని, ప్రేమలోని సంఘర్షణ, మధుర జ్ఞాపకాలను ఆవిష్కరిస్తుందని చెప్పింది. నిజాయతీతో కూడిన ప్రేమకథ ఇదని, కాలేజీ జీవితంలోని అందమైన అనుభవాల్ని చూపించారని కోన వెంకట్‌ తెలిపారు. తమిళంలో మాదిరిగానే తెలుగు ప్రేక్షకులు కూడా ఆదరిస్తారనే నమ్మకం ఉందని హీరో ఏగెన్‌ పేర్కొన్నారు.