Visit:
హైదరాబాద్, సెప్టెంబర్ 25 (నమస్తే తెలంగాణ): రాష్ట్రంలో కొత్తగా 200 అదనపు జూనియర్ సివిల్ జడ్జి కమ్ అదనపు ప్రథమశ్రేణి జ్యుడీషియల్ మెజిస్ట్రేట్ కోర్టుల ఏర్పాటుకు ప్రభుత్వం ఆమోదం తెలిపింది. ఈ మేరకు ఆర్థికశాఖ సమ్మతితో న్యాయశాఖ కార్యదర్శి బీ పాపిరెడ్డి గురువారం జీవో 59 జారీచేశారు. హైకోర్టు రిజిస్ట్రార్ (విజిలెన్స్) గత డిసెంబర్ 29న, తాజాగా ఈ నెల 24న చేసిన ప్రతిపాదనలను పరిశీలించిన ప్రభుత్వం.. తొలి దశలో 200 కొత్త కోర్టుల ఏర్పాటుకు గ్రీన్ సిగ్నల్ ఇచ్చింది.
ఆయా కోర్టులకు అవసరమైన సిబ్బంది, మౌలిక వసతులు, పునరావృత, పునరావృతేతర వ్యయాలకు సంబంధించిన తదుపరి ఉత్తర్వులను విడిగా జారీచేయనున్నట్టు ప్రభుత్వం తన ఉత్తర్వుల్లో పేరొన్నది. ఈ మేరకు అవసరమైన చర్యలు తీసుకోవాలని హైకోర్టు రిజిస్ట్రార్ (విజిలెన్స్)ను ఆదేశించింది.
