ఈవీ హబ్‌గా తెలంగాణ

• ఇదే నా కల : సుజయ్‌ కారంపూడి

దేశంలోని అన్ని రాష్ర్టాల కంటే తెలంగాణలో ఎలక్ట్రిక్‌ వాహనాల ఉత్పత్తిని పెంచే దిశగా అడుగులు వేస్తూ పరిశ్రమలను నెలకొల్పేందుకు సహకరిస్తుందని ఎలక్ట్రానిక్స్‌ టి ఫైబర్‌, టీ వర్క్స్‌ డైరెక్టర్‌, సీఈవో సుజయ్‌ కారంపూడి పేర్కొన్నారు. మాదాపూర్‌లోని హెచ్‌ఐసీసీలో ఎలక్ట్రిక్‌ వెహికిల్స్‌ ఎక్స్‌ పో ఇన్‌ ఇండియా 2021 కార్యక్రమాన్ని శనివారం తెలంగాణ రాష్ట్రం రెన్యూవబుల్‌ ఎనర్జీ డెవలప్‌మెంట్‌ కార్పొరేషన్‌ రెడ్కో జనరల్‌ మేనేజర్‌ ప్రసాద్‌, రాజీవ్‌ అరోరా, అనేజ్‌ శర్మ, ప్రాజెక్ట్‌ డైరెక్టర్‌ రామకృష్ణ, ఎంజే పురహిత్‌తో పాటు కార్యక్రమానికి చెందిన నిర్వాహకులతో కలిసి ప్రారంభించారు.

ఈ సందర్భంగా ఆయన మాట్లాడుతూ … రంగారెడ్డి జిల్లా షాబాద్‌ మండలంలో సీతారాంపూర్‌లో 200 ఎకరాల్లో ఎలక్ట్రిక్‌ వాహనాల పార్క్‌ను ఏర్పాటు చేస్తున్నట్లు తెలిపారు. ఇప్పటికే స్థలాన్ని గుర్తించి 2, 3 నెలల్లో కేటాయింపులు చేయనున్నట్లు తెలిపారు. రాష్ట్రంలో ఎలక్ట్రిక్‌ వాహనాల తయారీకి 200 ఎకరాల స్థలాన్ని ఎలక్ట్రిక్‌ హబ్‌గా తీర్చిదిద్దుతామని తెలిపారు. మహబూబ్‌నగర్‌లోని దివిటీపల్లిలో ఎనర్జీ స్టోరేజీ పార్క్‌ను ప్రారంభానికి సిద్దంగా ఉన్నట్లు తెలిపారు. లిథియం అయాన్‌ సెల్‌, బ్యాటరీ తయారీ, సోలార్‌ సెల్‌, మాడ్యూల్‌ అసెంబ్లీతో పాటు ఇతర నూతన పునరుత్పాదక ఇంధన సంబంధిత తయారీని ప్రోత్సహించనున్నట్లు తెలిపారు. హైదరాబాద్‌ నగరాన్ని ఈవీ తయారీల స్థావరాలుగా మార్చుకోవాలని పరిశ్రమ నేతలను కోరారు. తెలంగాణలో ఎలక్ట్రిక్‌ వాహనాలను కొనుగోలు చేసే వారికి ప్రభుత్వం ప్రోతహకాలను అందజేస్తుందని తెలిపారు. ఇందులో భాగంగా ఆటోలు, ప్రైవేట్‌ కార్లు, క్యాబ్‌లు, బస్సులు, ట్రాక్టర్లు వంటి ఎలక్ట్రానిక్‌ వాహనాలు కొనుగోలు చేసే వారికి వర్తించనున్నట్లు తెలిపారు. ఎలక్ట్రిక్‌ వాహనాలు రవాణా భవిష్యత్‌ అని, తెలంగాణను 100 శాతం ఎలక్ట్రిక్‌ వాహనాల రాష్ట్రంగా చూడాలన్నది కల అన్ని అన్నారు.

ముఖ్యమంత్రి, మంత్రులూ వాడుతున్నారు
తెలంగాణ రాష్ట్రం ఏర్పడక ముందు 34 మెగావాట్ల సౌరశక్తి తయారీ సామర్థ్యం ఉండేదని, ప్రస్తుతం 3900 మెగా వాట్ల సామార్థ్యానికి విస్తరించిందని టీఎస్‌ రెడ్కో జనరల్‌ మేనేజర్‌ ప్రసాద్‌ అన్నారు. ఎలక్ట్రిక్‌ వాహనాలకు రాష్ట్రం అన్ని విధాల ప్రోత్సహిస్తుందని, కొనుగోలుదారులకు సబ్సిడీని అందజేస్తు వారిని ప్రోత్సహిస్తున్నట్లు తెలిపారు. ఈవీ చార్జింగ్‌ స్టేషన్‌లు తెలంగాణలో అగ్రస్థానంలో ఉన్నట్లు తెలిపారు. రాష్ట్ర వ్యాప్తంగా ఇప్పటి వరకు 9 వేల వాహనాలు రిజిస్టర్‌ అయినట్లు తెలిపారు. ఇందులో భాగంగా రూ. 36 కోట్ల రీయింబర్స్‌మెంట్‌ను తెలంగాణ ప్రభుత్వం అందించినట్లు తెలిపారు. ముఖ్యమంత్రి కేసీఆర్‌తో పాటు మంత్రులు ఎలక్ట్రిక్‌ వాహనాలను కొనుగోలు చేసి వాడుతున్నారని చెప్పారు.

ఫ్రాంక్లిన్‌ ఈవీ …

• రిజిస్ట్రేషన్‌, విత్‌ అవుట్‌ రిజిస్ట్రేషన్‌ స్కూటీలను తయారు చేస్తాం.
• మా వద్ద డ్రాప్‌ లోడెడ్‌ పేరిట ఓ బైక్‌ను అందుబాటులో ఉంది.
• 300 నుంచి 500 కేజీల వరకు లోడ్‌ చేసుకునవచ్చు.
• పెడలింగ్‌ ఆప్షన్‌తో పవర్‌ జెనరేట్‌ అవుతుంది.
• 35 నుంచి 50 స్పీడ్‌తో వెళ్ళవచ్చు.
• ఒక్క ఫుల్‌ చార్జ్‌తో 100 నుండి 120 కిలోమీటర్ల దూరం వెళ్లవచ్చు.
• దీని ధర రూ. 80 నుండి 90 వేల వరకు ఉంటుంది.
• చెంగిచెర్లలో దీని తయారీ సంస్థ ఉంది.

• ఎలక్ట్రిక్‌ వాహనాల ప్రత్యేకతలు డూడుల్‌ ఈ ఫోల్డబుల్‌ సైకిల్‌
• 2.30 గంటలు చార్జింగ్‌ పెడితే చాలు 50 కిలో మీటర్లు వస్తుంది. తరువాత గేరింగ్‌ సిస్టమ్‌ను ఉపయోగించి ముందుకుసాగవచ్చు.
• ఆక్సెలేటర్‌పై గమ్యాన్ని చేరుకోవచ్చు.
• ఒక్కసారి పెడల్‌ చేస్తే 40 మీటర్ల వరకు తీసుకువెళ్తుంది.
• చార్జింగ్‌ అయిపోయాక చార్జింగ్‌ స్టేషన్‌ అందుబాటులో లేకపోయినప్పటికి మాన్యువల్‌గా వెళ్లొచ్చు.

• ఏదైన సమస్య వస్తే మడిచి సులభంగా వేరే చోటికి తీసుకెళ్ళవచ్చు.
• పూర్తి చార్జింగ్‌ అయిపోయినప్పటికి గేరింగ్‌ సిస్టమ్‌తో కూడా ముందుకు వెళ్లవచ్చు.
• ఎటువంటి మెయింటెనెన్స్‌ ఉండదు.
• పూణేలో దీని తయారీ సంస్థ ఉంది.
• దీని బరువు 35 కిలోలు ఉంటుంది.
• ఆసక్తి గల వారికి ఫ్రాంచెస్‌ ఇస్తాం.
• ఆక్సియమ్‌ ఎనర్జీ కన్వర్ఫెన్‌ లిమిటెడ్‌ …
• బ్యాటరీ డీసీ – డీసీ కన్వర్టర్‌లను తయారు చేస్తుంది.
• ఇది 2,3 వీలర్‌ల కొరకు ఈ డీసీ కంట్రోల్‌ చార్జ్‌లను తయారు చేస్తుంది.
• భారత్‌లో 55 సర్వీస్‌ నెట్‌వర్క్‌ సెంటర్‌లను కలిగి ఉంది.
• ఓఈఎమ్‌, రిటైల్‌ మార్కెట్‌లో సైప్లె చేస్తారు.
• డీసీ-డీసీ కన్వెర్టర్‌ బ్యాటరీని చార్జ్‌ చేసి కంట్రోల్‌ ఉంచుతుంది.
• శంషాబాద్‌లోని ఈ సిటీలో 6.5 ఎకరాల్లో తెలంగాణ ప్రభుత్వం స్థలం కేటాయించింది. మరో 6 నెలల్లో ప్రొడక్షన్‌ మొదలు పెట్టనున్నారు.
• ఈ సంస్థ ప్రారంభంతో వేయి నుండి 2 వేల మందికి ఉపాది లభిస్తుంది.

• నాన్‌ రిజిస్ట్రేషన్‌ కోరో వాహనాలు (స్కూటీ)
• నిక్స్‌, నిక్స్‌ డిఎల్‌ఎక్స్‌, పవర్‌ ప్లస్‌ పేరుతో మూడు మోడల్స్‌ అందుబాటులో ఉన్నాయి.
• ఒక్క సింగిల్‌ చార్జ్‌తో 90 నుండి 100 కిలో మీటర్లు వెళ్ళవచ్చు.
• దీని ధర రూ. 80 నుండి 90 వేల వరకు ఉంటుంది.
• 35 నుంచి 55 వరకు స్పీడుతో గమ్యం చేరుకోవచ్చు.

• కోరో ద్విచక్ర వాహనాలు (స్కూటీ) …
• సింగిల్‌ చార్జ్‌తో 190 నుండి 200 కిలో మీటర్ల దూరం వెళ్లవచ్చు.
• 60 నుంచి 75 స్పీడ్‌తో వెళ్ళవచ్చు.
• దీని ధర రూ. లక్షా 10 వేల నుండి లక్షా 20 వేల వరకు ఉంటుంది. (అన్ని ట్యాక్స్‌లతో కలిపి)
• రెండు బ్యాటరీలతో వస్తుంది.
• రెండు రిజిస్ట్రేషన్‌ వాహనాలు అందుబాటులో ఉండగా మిగిలినవి నాన్‌ రిజిస్ట్రేషన్‌ వాహనాలు ఉన్నాయి.
• ఇప్పటి వరకు 100 వాహనాలను విక్రయించారు.