అగ్నిప్రమాదాల నివారణపై విద్యార్థులకు అవగాహన

దీపావళి పండుగ సందర్భంగా అగ్నిప్రమాదాల నివారణ, తీసుకోవాల్సిన జాగ్రత్తలపై విద్యార్థులకు అవగాహన కల్పిస్తున్నట్లు కొత్తగూడెం అగ్నిమాపక శాఖ అధికారులు తెలిపారు. డైరెక్టర్ జనరల్ అగ్నిమాపక శాఖ ఆదేశాల మేరకు ఈ నెల 3, 4 తేదీల్లో పాఠశాలలు, విద్యాసంస్థల్లో...

చుంచుపల్లి, నవంబర్ 03 : దీపావళి పండుగ సందర్భంగా అగ్నిప్రమాదాల నివారణ, తీసుకోవాల్సిన జాగ్రత్తలపై విద్యార్థులకు అవగాహన కల్పిస్తున్నట్లు కొత్తగూడెం అగ్నిమాపక శాఖ అధికారులు తెలిపారు. డైరెక్టర్ జనరల్ అగ్నిమాపక శాఖ ఆదేశాల మేరకు ఈ నెల 3, 4 తేదీల్లో పాఠశాలలు, విద్యాసంస్థల్లో ప్రత్యేక అవగాహన కార్యక్రమాలు నిర్వహిస్తున్నారు. ఈ కార్యక్రమంలో భాగంగా మంగళవారం చుంచుపల్లి ప్రభుత్వ జూనియర్ కళాశాల, జెడ్పీహెచ్ఎస్ ఆనందఖని పాఠశాలలో అగ్నిమాపక సిబ్బంది విద్యార్థులకు అగ్నిప్రమాదాల నివారణపై అవగాహన కల్పించారు. దీపావళి సందర్భంగా బాణసంచా కాల్చేటప్పుడు పాటించాల్సిన జాగ్రత్తలు, అగ్నిప్రమాదాలు సంభవించినప్పుడు తీసుకోవాల్సిన చర్యలు, ప్రమాదాల నివారణ పద్ధతులను వివరించారు. ఈ కార్యక్రమంలో కొత్తగూడెం స్టేషన్ ఫైర్ ఆఫీసర్ కృష్ణ ప్రసాద్, సిబ్బంది రాజు, కిరణ్, రూప్ సింగ్, ఆయూబ్, ప్రతాప్ పాల్గొన్నారు.