Stock Markets | భారీ లాభాలతో ముగిసిన స్టాక్ మార్కెట్‌లు.. ఏకంగా రూ.7 లక్ష‌ల కోట్లు పెరిగిన మ‌దుప‌ర్ల సంప‌ద‌..!

Stock Markets | దేశీయ స్టాక్ మార్కెట్ (Stock Market) సూచీలు ఇవాళ‌ భారీ లాభాల్లో ముగిశాయి. అంతర్జాతీయంగా ముడి చమురు ధరలు దిగిరావడం మార్కెట్ సెంటిమెంట్‌కు బ‌లాన్నిచ్చింది. దాంతోపాటు రిలయన్స్‌ ఇండస్ట్రీస్‌ (Reliance Industries) మెరుగైన క్యూ2 ఫలితాలు మదుపర్ల (Investers) ను మెప్పించడం కలిసొచ్చింది. ఫ‌లితంగా సూచీలు 1.3 శాతానికిపైగా లాభపడ్డాయి.

Stock Markets : దేశీయ స్టాక్ మార్కెట్ (Stock Market) సూచీలు ఇవాళ‌ భారీ లాభాల్లో ముగిశాయి. అంతర్జాతీయంగా ముడి చమురు ధరలు దిగిరావడం మార్కెట్ సెంటిమెంట్‌కు బ‌లాన్నిచ్చింది. దాంతోపాటు రిలయన్స్‌ ఇండస్ట్రీస్‌ (Reliance Industries) మెరుగైన క్యూ2 ఫలితాలు మదుపర్ల (Investers) ను మెప్పించడం కలిసొచ్చింది. ఫ‌లితంగా సూచీలు 1.3 శాతానికిపైగా లాభపడ్డాయి. సెన్సెక్స్ (Sensex) 1200 పాయింట్లకుపైగా ఎగబాకింది. నిఫ్టీ (Nifty) 23,400 మార్కును దాటింది. మదుపర్ల సంపదగా భావించే బీఎస్‌ఈ (BSE) లో నమోదిత కంపెనీల మొత్తం విలువ దాదాపు రూ.7 లక్షల కోట్లకుపైగా పెరిగింది.

ఉదయం 75,178.24 పాయింట్లవద్ద ప్రారంభ‌మైన సెన్సెక్స్‌ (క్రితం ముగింపు 74,459.53) సూచీ రోజంతా అధిక లాభాల్లోనే కొనసాగింది. చివరికి 1233.25 పాయింట్ల లాభంతో 75,692.78 వద్ద ముగిసింది. నిఫ్టీ కూడా 387.70 పాయింట్లు లాభపడి 23,440.80 వద్ద క్లోజ‌య్యింది. డాలర్‌తో పోలిస్తే రూపాయి మారకం విలువ 94.90 గా ఉంది. సెన్సెక్స్‌ 30 సూచీలో రిలయన్స్‌, టాటా స్టీల్‌, అల్ట్రాటెక్‌ సిమెంట్‌, ఎస్‌బీఐ, ఎన్‌టీపీసీ, మారుతీ షేర్‌లు ప్రధానంగా లాభపడ్డాయి. ఇన్ఫోసిస్‌, కోటక్ మహీంద్రా బ్యాంక్‌, ఐసీఐసీఐ బ్యాంక్‌, సన్‌ఫార్మా, యాక్సిస్‌ బ్యాంక్‌, టెక్‌ మహీంద్రా, టీసీఎస్‌ షేర్లు మాత్రమే నష్టపోయాయి.