IPL 2024 : ఐపీఎల్ కెప్టెన్గా తొలి మ్యాచ్లోనే హిట్ కొట్టిన శుభ్మన్ గిల్(Shubman Gill) రెండో మ్యాచ్లో తడబడ్డాడు. మంగళవారం చెపాక్ స్టేడియంలో టాస్ సమయంలో అయోమయానికి గురయ్యాడు. టాస్ గెలిచాక కామెంటేటర్ సంజయ్ మంజ్రేకర్(Sanjay Manjrekar) ఏం తీసుకుంటారు? అని అడిగాడు. అందుకు గిల్ ‘ఫస్ట్ బ్యాటింగ్’ అని అన్నాడు.
ఆ వెంటేనే తమాయించుకొని ‘కాదు కాదు.. సారీ ఫస్ట్ బౌలింగ్ చేస్తాం’ అని నవ్వాడు. అతడలా కన్ఫ్యూజన్ కావడంతో మంజ్రేకర్తో పాటు స్టేడియంలోని ఫ్యాన్స్ అంతా ఏమైంది గిల్ అంటూ నవ్వుకున్నారు. ప్రస్తుతం ఆ ఫన్నీ వీడియో వైరల్ అవుతోంది. సిక్సర్ల శివం దూబే(51) హాఫ్ సెంచరీకి తోడు విధ్వంసక ఓపెనర్ రచిన్ రవీంద్ర(46), కెప్టెన్ గైక్వాడ్(46) దంచడంతో నిర్ణీత ఓవర్లలో వికెట్ల నష్టానికి 205 పరుగులు చేసింది.
🚨 Toss Update 🚨
Gujarat Titans win the toss and elect to bowl against Chennai Super Kings.
Follow the Match ▶️ https://t.co/9KKISx5poZ#TATAIPL | #CSKvGT pic.twitter.com/qk8xLYhUlH
— IndianPremierLeague (@IPL) March 26, 2024
ఐపీఎల్ 17వ సీజన్కు ముందు గిల్ గుజరాత్ కెప్టెన్గా ఎంపికయ్యాడు. రెండు సీజన్లు జట్టును నడిపించిన హార్దిక్ పాండ్యా(Hardhik Pandya) ముంబై ఇండియన్స్కు వెళ్లడంతో మేనేజ్మెంట్ గిల్కు పగ్గాలు అప్పగించింది. కొత్త బాధ్యతల్లో ఒదిగిపోయిన ఈ యంగ్స్టర్ తొలి మ్యాచ్లోనే బలమైన ప్రత్యర్థి ముంబైని ఎదుర్కొన్నాడు. ఆఖరి ఓవర్ వరకూ ఉత్కంఠ రేపిన ఆ మ్యాచ్లో గుజరాత్ 4 పరుగుల తేడాతో గెలుపొందింది.