Teachers Shortage | ఉపాధ్యాయుల కొరతతో చదువులకు ఆటంకం ..విద్యా వాలంటీర్లను నియమించాలి

Teachers Shortage |విద్యార్థుల సంఖ్యకు అనుగుణంగా వెంటనే విద్యా వాలంటీర్లను నియమించాలని బీఆర్‌ఎస్‌వీ నారాయణపేట జిల్లా అధ్యక్షుడు కోరం శివరాజ్ రెడ్డి డిమాండ్ చేశారు. 

ఊట్కూర్ : ప్రభుత్వ పాఠశాలల్లో ఉపాధ్యాయుల కొరత ( Teachers Shortage ) తో విద్యార్థుల చదువులు దెబ్బతింటున్నాయని, విద్యార్థుల సంఖ్యకు అనుగుణంగా వెంటనే విద్యా వాలంటీర్లను (Educational Volunteers) నియమించాలని బీఆర్‌ఎస్‌వీ(BRSV ) నారాయణపేట జిల్లా అధ్యక్షుడు కోరం శివరాజ్ రెడ్డి ( Shivaraj Reddy ) డిమాండ్ చేశారు.

సోమవారం ఊట్కూర్ మండల కేంద్రంలో నిర్వహించిన ప్రజావాణి కార్యక్రమంలో తహసీల్దార్ అశోక్ కుమార్‌కు వినతిపత్రం అందజేశారు.ఈ సందర్భంగా ఆయన మాట్లాడుతూ.. మండలంలోని పలు ప్రభుత్వ పాఠశాలల్లో ఉపాధ్యాయుల కొరత తీవ్రంగా ఉందని, ఉన్న ఉపాధ్యాయులపై అదనపు పనిభారం పడటంతో విద్యాబోధనకు ఆటంకం కలుగుతోందని పేర్కొన్నారు. ప్రభుత్వం తక్షణమే విద్యా వాలంటీర్లను నియమించి విద్యార్థులకు నాణ్యమైన విద్య అందేలా చర్యలు తీసుకోవాలని కోరారు.

పాఠశాలల్లో మౌలిక సదుపాయాల కల్పనపైనా అధికారులు ప్రత్యేక దృష్టి సారించాలని విజ్ఞప్తి చేశారు. ఈ కార్యక్రమంలో బీఆర్‌ఎస్‌వీ నాయకులు విష్ణువర్ధన్, అభిలాష్, అభిత్ ఖాన్, ఇంజు, ఇమ్రాన్, మనోహర్, మాజీ ఉపసర్పంచ్ ఇబదూర్ రహిమాన్, తరుణ్, మాజీ వార్డు సభ్యుడు షేక్ సమీ తదితరులు పాల్గొన్నారు.