PV Sindhu | జ‌పాన్ క్రీడాకారిణి హినా అకేచిపై విజ‌యం.. ఫ్రెంచ్ ఓపెన్ ఫైన‌ల్ చేరిన పీవీ సింధు

PV Sindhu : భార‌త బ్యాడ్మింట‌న్ ప్లేయ‌ర్ పీవీ సిందు ఫ్రెంచ్ ఓపెన్ ఫైన‌ల్ చేరుకున్నారు. శ‌నివారం జ‌రిగిన సెమీ ఫైన‌ల్‌లో జ‌పాన్ క్రీడాకారిణి హినా అకేచిపై విజ‌యం సాధించి, ఫైన‌ల్ బెర్త్ ఖాయం చేసుకున్నారు.

PV Sindhu : భార‌త బ్యాడ్మింట‌న్ ప్లేయ‌ర్ పీవీ సిందు ఫ్రెంచ్ ఓపెన్ ఫైన‌ల్ చేరుకున్నారు. శ‌నివారం జ‌రిగిన సెమీ ఫైన‌ల్‌లో జ‌పాన్ క్రీడాకారిణి హినా అకేచిపై విజ‌యం సాధించి, ఫైన‌ల్ బెర్త్ ఖాయం చేసుకున్నారు. శ‌నివారం పీవీ సిందు-హినా అకేచి మ‌ధ్య సెమీ ఫైన‌ల్ మ్యాచ్ జ‌రిగింది. ఇది మూడు గేమ్‌ల మ్యాచ్. ఈ మ్యాచ్‌లో 21-10, 20-22, 21-16తో హినా అకేచిపై సింధు విజ‌యం సాధించింది.

దాదాపు ఒక గంట 13 నిమిషాల‌పాటు మ్యాచ్ సాగింది. ఈ మ్యాచులో విజ‌యంతో సింధు ఫ్రెంచ్ ఓపెన్ ఫైన‌ల్ చేరింది. ఫైన‌ల్‌లో ద‌క్షిణ కొరియా క్రీడాకారిణి, వ‌ర‌ల్డ్ నెంబ‌ర్ వ‌న్ ర్యాంక‌ర్ అన్ సే యంగ్‌తో త‌ల‌ప‌డ‌నుంది. ఇది సింధు రెండో సూప‌ర్ 750 ఫైన‌ల్ మ్యాచ్. గ‌త జూలైలో పీవీ సింధు జ‌పాన్ ఓపెన్‌లో విజ‌యం సాధించింది. ఉమెన్స్ సింగిల్స్ టైటిల్ సాధించింది. సింధు ప్ర‌స్తుతం ప్ర‌పంచంలో 11వ ర్యాంకులో కొన‌సాగుతోంది.

ఈ రోజు సింధు సెమీ ఫైన‌ల్ మ్యాచ్ గెలిచిన జ‌పాన్ క్రీడాకారిణి అకేచి వ‌య‌సు 21కాగా.. ఆమె 22వ ర్యాంకులో కొన‌సాగుతోంది. ఇప్పుడు సింధు వ‌ర‌ల్డ్ నెంబ‌ర్ వ‌న్ ర్యాంకులో ఉన్న క్రీడాకారిణితో త‌ల‌ప‌డ‌నుండ‌టంతో ఈ మ్యాచ్ ఆస‌క్తిక‌రంగా నిల‌వ‌నుంది. ఆదివారం ఫైన‌ల్ మ్యాచ్ జ‌ర‌గ‌నుంది. సింధు ఒలంపిక్స్‌లో రెండు మెడ‌ల్స్ సాధించిన సంగ‌తి తెలిసిందే.