Dhruva-2 Movie | రామ్చరణ్ సినిమాలలో ‘ధృవ’కు ప్రత్యేక స్థానం ఉంది. ఈ సినిమా కమర్షియల్గానే కాకుండా.. చరణ్ నటనపై విమర్శలు కురిపించిన వారి నోటీకి తాళం వేసింది. అప్పటివరకు రామ్చరణ్ నటన ఒకెత్తయితే ఈ చిత్రంలో నటన మరో ఎత్తు. నిజానికి ‘మగధీర’ తర్వాత చరణ్ కెరీర్లో ఆ స్థాయిలో ఒక్క సినిమా కూడా రాలేదు. దాదాపు ఏడేళ్ళ తర్వాత ‘ధృవ’తో ఆ స్థాయి విజయాన్ని సాధించాడు. ఈ చిత్రం తర్వాత రామ్చరణ్ నటనలో మార్పులు, కథల ఎంపిక పూర్తిగా మారింది. కాగా ఈ చిత్రం బాక్సాఫీస్ దగ్గర కూడా భారీ విజయాన్ని సాధించాడు. దాదాపు రూ.90 కోట్ల వరకు కలెక్షన్లు రాబట్టింది.
సురేందర్ రెడ్డి దర్శకత్వం వహించిన ఈ చిత్రం యాక్షన్ థ్రిల్లర్ నేపథ్యంలో తెరకెక్కింది. కాగా తాజాగా ఈ చిత్రానికి సీక్వెల్ రెడీ అవుతుంది. ప్రొడ్యూసర్ ఎన్.వీ ప్రసాద్ తాజాగా ‘ధృవ-2’ తెరకెక్కనున్నట్లు కన్ఫార్మ్ చేశారు. ప్రస్తుతం స్క్రిప్ట్ పనులు జరుగుతున్నాయట. కాగా ఈ చిత్రానికి ‘గాడ్ఫాదర్’ ఫేం మొహన్రాజా దర్శకత్వం వహించనున్నాడట. ఇక ఈ చిత్రానికి సంబంధించిన పూర్తి వివరాలు త్వరలోనే వెల్లడి కానున్నాయి. ఈ వార్తతో మెగా అభిమానులు సంబురాలు చేసుకుంటున్నారు. అయితే కొందరు నెటీజన్లు గాడ్ఫాదర్ రిజల్ట్ తర్వాత దీనిపై క్లారిటీ వస్తుంది అంటూ కామెంట్స్ చేస్తున్నారు.