Manchi Venkat | ‘ఆదర్శ కుటుంబం’లో ‘పర్ణశాల’ పాట వివాదం.. సినిమాను బతికించండంటూ నిర్మాత ఆవేదన

Parnasala | టాలీవుడ్‌లో విడుదలకు సిద్ధమవుతున్న తమ ‘పర్ణశాల’ సినిమాలోని ‘జిమ్ జిమ్ తార’ పాటను ‘ఆదర్శ కుటుంబం’ చిత్రంలో అనుమతి లేకుండా ఉపయోగించడంపై ఆ సినిమా నిర్మాత మంచి వెంకట్ తీవ్ర అభ్యంతరం వ్యక్తం చేశారు.

Parnasala Producer | టాలీవుడ్‌లో విడుదలకు సిద్ధమవుతున్న తమ ‘పర్ణశాల’ సినిమాలోని ‘జిమ్ జిమ్ తార’ పాటను ‘ఆదర్శ కుటుంబం’ చిత్రంలో అనుమతి లేకుండా ఉపయోగించడంపై ఆ సినిమా నిర్మాత మంచి వెంకట్ తీవ్ర అభ్యంతరం వ్యక్తం చేశారు. హీరో వెంకటేష్‌కు సంబంధించిన ఓ సన్నివేశంలో తమ సినిమా పాటను వినియోగించారని, సినిమా విడుదల కాకముందే ఇలా పాటను వాడటం చిన్న సినిమాకు అన్యాయం చేయడమే అని ఆయన ఆవేదన వ్యక్తం చేశారు.

ఇప్పటికే ఆదిత్య మ్యూజిక్ ద్వారా అధికారికంగా విడుదల చేసిన తమ పాటను మరో చిత్రంలో ఇలా వాడటం వల్ల తమ సినిమాకు తీవ్ర నష్టం వాటిల్లే అవకాశం ఉందని, ఇది చిన్న సినిమాల మనుగడకు ఇబ్బందికరంగా మారుతుందని ఆయన వాపోయారు. ఎస్‌ఎల్‌టీ ఫిలిమ్స్ బ్యానర్‌పై మంచి వెంకట్ నిర్మిస్తున్న ఈ చిత్రానికి వై.జి. భరత్ దర్శకత్వం వహిస్తుండగా, హారర్ కామెడీ, సస్పెన్స్ థ్రిల్లర్ అంశాలతో త్వరలోనే ఈ చిత్రం ప్రేక్షకుల ముందుకు రానుంది.