Filmmaker Sanjay Gupta | బాలీవుడ్‌లో విషాదం.. ప్రముఖ దర్శకుడు సంజయ్ గుప్తా కన్నుమూత!

Filmmaker Sanjay Gupta | బాలీవుడ్ పరిశ్రమలో తీవ్ర విషాదం చోటుచేసుకుంది. ప్రముఖ హిందీ చిత్రదర్శకుడు, నిర్మాత సంజయ్ గుప్తా (Sanjay Gupta) కన్నుమూశారు.

Filmmaker Sanjay Gupta | బాలీవుడ్ పరిశ్రమలో తీవ్ర విషాదం చోటుచేసుకుంది. ప్రముఖ హిందీ చిత్రదర్శకుడు, నిర్మాత సంజయ్ గుప్తా (Sanjay Gupta) కన్నుమూశారు. శుక్రవారం(అక్టోబర్ 30న‌) రాత్రి ఆయన తుదిశ్వాస విడిచినట్లు బాలీవుడ్ వర్గాలు వెల్లడించాయి. ఆయన ఆకస్మిక మరణంతో హిందీ సినీ పరిశ్రమ ఒక్కసారిగా దిగ్భ్రాంతికి గురైంది. పలువురు సినీ ప్రముఖులు ఆయన మృతికి సంతాపం ప్రకటిస్తున్నారు.

బాలీవుడ్‌లో ప్రత్యేకమైన స్టైలిష్ యాక్షన్ మరియు క్రైమ్ థ్రిల్లర్ సినిమాల ద్వారా సంజయ్ గుప్తా తనకంటూ ప్రత్యేక గుర్తింపు తెచ్చుకున్నారు. ముఖ్యంగా సంజయ్ దత్ హీరోగా తెరకెక్కిన ‘కాంటే’ (Kaante), ‘ముసాఫిర్’ (Musafir), ‘షూటౌట్ ఎట్ లోఖండ్‌వాలా’ (Shootout at Lokhandwala), ‘షూటౌట్ ఎట్ వడాలా’ (Shootout at Wadala) మరియు హృతిక్ రోషన్ తో తెరకెక్కించిన ‘కబిల్’ (Kaabil) వంటి బ్లాక్‌బస్టర్ చిత్రాలకు ఆయన దర్శకత్వం వహించారు.

బాలీవుడ్‌లో యాక్షన్ జోనర్‌ను కొత్త పుంతలు తొక్కించిన దర్శకులలో సంజయ్ గుప్తా ఒకరు. ఆయన మృతి పట్ల బాలీవుడ్ ప్రముఖులు, నటీనటులు సోషల్ మీడియా వేదికగా తీవ్ర సంతాపం వ్యక్తం చేస్తూ, ఆయన కుటుంబానికి ప్రగాఢ సానుభూతి తెలియజేస్తున్నారు.