NZ vs RSA 2nd Test | విలియ‌మ్స‌న్ రికార్డు సెంచరీ.. 92 ఏండ్ల త‌ర్వాత‌ టెస్టు సిరీస్ కైవ‌సం

NZ vs RSA 2nd Test : టెస్టు క్రికెట్‌లో మ‌రో సంచ‌ల‌నం న‌మోదైంది. ఆస్ట్రేలియాపై 30 ఏండ్ల త‌ర్వాత గబ్బా(Gabba) స్టేడియంలో వెస్టిండీస్ రికార్డు విక్ట‌రీని మ‌రువ‌క ముందే న్యూజిలాండ్ (Newzaeland) చిర‌స్మ‌ర‌ణీయ విజ‌యం..

February 16, 2024 / 11:12 AM IST

NZ vs RSA 2nd Test | విలియ‌మ్స‌న్ రికార్డు సెంచరీ.. 92 ఏండ్ల త‌ర్వాత‌ టెస్టు సిరీస్ కైవ‌సం

NZ vs RSA 2nd Test : టెస్టు క్రికెట్‌లో మ‌రో సంచ‌ల‌నం న‌మోదైంది. ఆస్ట్రేలియాపై 30 ఏండ్ల త‌ర్వాత గబ్బా(Gabba) స్టేడియంలో వెస్టిండీస్ రికార్డు విక్ట‌రీని మ‌రువ‌క ముందే న్యూజిలాండ్ (Newzaeland) చిర‌స్మ‌ర‌ణీయ విజ‌యం సాధించింది. స్వ‌దేశంలో ద‌క్షిణాఫ్రికాతో జ‌రుగుతున్న రెండో టెస్టులో ఘ‌న విజ‌యం సాధించి .. 92 ఏండ్ల రికార్డు బ‌ద్ధ‌లు కొట్టింది. మాజీ కెప్టెన్ కేన్ విలియ‌మ్స‌న్(133 నాటౌట్) రికార్డు సెంచ‌రీ కొట్ట‌డంతో 7 వికెట్ల తేడాతో గెలుపొందింది.

స‌ఫారీ జ‌ట్టు నిర్దేశించిన 267 ప‌రుగుల ఛేద‌న‌లో విలియ‌మ్స‌న్ శ‌త‌కం బాద‌గా.. విల్ యంగ్(60 నాటౌట్) ఆఫ్ సెంచ‌రీతో రాణించాడు. దాంతో, కివీస్ 2-0తో టెస్టు సిరీస్‌ను కైవ‌సం చేసుకుంది. త‌ద్వారా ద‌క్షిణాఫ్రికాపై తొలి టెస్టు సిరీస్ విజ‌యం న‌మోదు చేసింది.

Was always going to take something extraordinary from this SA side but they did have their moments against a much stronger team #NZvSA

Scorecard: https://t.co/aixHJUKAxW pic.twitter.com/MMKXJKpodV

— ESPNcricinfo (@ESPNcricinfo) February 16, 2024

తొలి టెస్టులో క‌నీస పోరాటం కూడా చేయ‌ని స‌ఫారీ జ‌ట్టు రెండో టెస్టులో గ‌ట్టిగానే పోరాడింది. యంగ్‌స్ట‌ర్ డేవిడ్ బ‌డింగ‌మ్‌(110) తొలి సెంచ‌రీతో జ‌ట్టుకు గౌర‌వ‌ప్ర‌ద‌మైన స్కోర్ అందించాడు. అయితే.. కివీస్ పేస‌ర్ విలియం ఒరూర్కే ఐదు వికెట్లు తీయ‌డంతో ద‌క్షిణాఫ్రికాను 235 ప‌రుగుల‌కే ప‌రిమిత‌మైంది. అనంత‌రం ఇన్నింగ్స్ ఆరంభించిన కివీస్ 53 ప‌రుగుల‌కే ఓపెన‌ర్ల‌ను కోల్పోయింది.

Kane Williamson’s unreal form sees him get to No.32 faster than Steve Smith! #NZvSA pic.twitter.com/m6Mxzf4oiy

— ESPNcricinfo (@ESPNcricinfo) February 16, 2024

ఆ త‌ర్వాత వ‌చ్చిన ర‌చిన్ ర‌వీంద్ర‌(20)తో క‌లిసి విలియ‌మ్స‌న్ 50కి పైగా ర‌న్స్ జోడించింది. ర‌వీంద్ర ఔట‌య్యాక విల్ యంగ్‌(60)తో స్కోర్ బోర్డును ప‌రుగులు పెట్టించాడు. ఈ క్ర‌మంలోనే సుదీర్ఘ ఫార్మాట్‌లో 32వ సెంచ‌రీ కొట్టాడు. దాంతో, ఆస్ట్రేలియా స్టార్ బ్యాట‌ర్ స్టీవ్ స్మిత్() రికార్డును స‌మం చేశాడు. అంతేకాదు అతడి కంటే త‌క్కువ ఇన్నింగ్స్‌ల్లోనే ఈ కివీస్ బ్యాట‌ర్ 32 సెంచ‌రీల మైలురాయికి చేరుకున్నాడు. విలియ‌మ్స‌న్ 172 ఇన్నింగ్స్‌ల్లోనే 32 సెంచ‌రీలు బాద‌గా.. స్మిత్ 174 ఇన్నింగ్స్‌లు తీసుకున్నాడు.