చక్కగా స్నానం చేస్తే చాలు, ఎంతటి అలసట అయినా ఇట్టే ఎగిరిపోతుంది. అయితే పెరుగుతున్న కాలుష్యం, ఒత్తిడి కారణంగా జుట్టు రాలడం, చర్మం పొడిబారడం తదితర సమస్యలు సర్వసాధారణం అయిపోయాయి. వాటికి చెక్ పెట్టేదే ఈ ఐకానిక్ షవర్ హెడ్. ఆక్వాప్యూర్ సంస్థ రూపొందించిన ఈ షవర్లో మూడు రకాల మినరల్ బీడ్స్ ద్వారా నీళ్లు శుద్ధి అవుతాయి. దాంతో క్లోరిన్, ఇతర హానికర కారకాలు తొలగిపోతాయి. ఈ మూడు రకాల బీడ్స్ను ఉంచేందుకు షవర్ హెడ్లో మూడు ప్రత్యేక అరలు ఉంటాయి. వీటి ద్వారా వచ్చే నీళ్లు సువాసనను, స్వచ్ఛతను కలిగి ఉంటాయి. దాంతో జుట్టు రాలడం, చర్మం పొడిబారడం వంటి సమస్యలు తలెత్తవు. ఈ బీడ్స్ విడిగానూ అందుబాటులో ఉన్నాయి. ఈ షవర్ హెడ్ ఆన్లైన్ ధర రూ. 2,400. పూర్తి వివరాలకు aquapure.com చూడవచ్చు.
తెల్లగా ఉతికి, ఇస్త్రీ చేసిన బట్టలు వేసుకోవడం ఒకప్పటి ఫ్యాషన్. చిరిగిన, మాసిన బట్టలు తొడుక్కోవడం నేటి ఫ్యాషన్. ఎంత చిరిగితే అంత ధర. ఈ ట్రెండ్కి సరిపోయేలా ‘డర్టీ స్నీకర్స్’ పేరుతో మాసిన షూస్ను తీసుకొచ్చింది ప్రముఖ పాదరక్షల తయారీ కంపెనీ గుచ్చీ. డబ్భులనాటి ఆటగాళ్ల షూస్ స్ఫూర్తితో వీటిని రూపొందించారు. తయారీకి కాస్త మాసిన రంగులను ఎంచుకున్నారు. వాటిపై మరకల్లా ప్యాచ్లు జోడించారు. అన్ని సైజుల్లోనూ అందుబాటులో ఉన్న వీటి ఆన్లైన్ ధర సుమారు రూ. 70,000. పూర్తి వివరాలకు gucci.com చూడవచ్చు.
వర్షకాలంలో వాతావరణం ఎప్పుడు ఎలా ఉంటుందో చెప్పలేం. ఎండగా ఉందిలే అని బయటికి వెళ్తే అప్పటికప్పుడు పెద్ద వర్షం పడవచ్చు. అందుకే ఈ సీజన్ మొత్తం ఓ గొడుగును వెంట ఉంచుకుంటారు చాలామంది. హడావుడిలో చేతిలోని గొడుగును ఎక్కడో పెట్టి మర్చిపోయే వారూ లేకపోలేదు. ఇక ఆ భయం అక్కర్లేదు. ఎక్కడ మర్చిపోయినా పిలిచి మరీ గుర్తుచేస్తుంది ఈ స్మార్ట్ గొడుగు. దీనికి జీపీఎస్ ట్రాకర్ అనుసంధానమై ఉంటుంది. యాప్ ద్వారా ఫోన్కు కనెక్ట్ చేస్తే చాలు.. ఎక్కడైనా మర్చిపోయినా మెసేజ్, కాల్ ద్వారా హెచ్చరిస్తుంది. అంతేకాదు వాతావరణం ఎలా ఉందన్నదీ అంచనా వేస్తుంది. మరికాసేపట్లో వర్షం పడబోతున్న విషయాన్నీ గుర్తుచేస్తుంది. వెరీ స్మార్ట్ కదూ! దీని ఆన్లైన్ ధర రూ.4,800. పూర్తి వివరాలకు coolthings.com చూడవచ్చు.
ఉదయం లేచింది మొదలు రాత్రి పడుకునే వరకూ పనిచేస్తూనే ఉంటాయి మన కళ్లు. మనం నిద్రలోకి జారుకున్నాకే వాటికి విశ్రాంతి. కంప్యూటర్లు, ఫోన్ల కారణంగా ఆ చిటారి తలుపులపై భారం మరింత ఎక్కువైంది. అందుకే చిన్నాపెద్దా తేడాలేకుండా కళ్లకింద వలయాలు, వాపులు వచ్చేస్తున్నాయి. ఆ ఒత్తిడి నుంచి ఉపశమనానికి నేత్ర మర్దన ఓ మంచిమార్గం. సున్నితమైన మసాజ్ శరీరంలోని అన్ని భాగాలకూ హాయిని ఇచ్చినట్టే కళ్లకూ మేలుచేస్తుంది. దీనికోసం ఫోరియో కంటి మసాజర్ను రూపొందించింది. దీంతో కళ్ల కింద, రెప్పల మీద సున్నితంగా ఓ 30 సెకన్లపాటు రుద్దితే ఆ ప్రాంతంలోని కణాలు ప్రేరేపితం అవుతాయి. తద్వారా కళ్ల కింద వలయాలు, వాపు వంటి సమస్యలు కూడా తగ్గుతాయి. ఈ పరికరం ఆకర్షణీయమైన రంగుల్లో అందుబాటులో ఉంది. దీని ఆన్లైన్ ధర రూ. 12,000. వివరాలకు foreo.com చూడవచ్చు.
“చిన్న పిల్లలతో బయటకు వెళ్తున్నారా? అయితే ఈ డివైజ్ మీకోసమే..”