Visit:
మంచు మనోజ్ కథానాయకుడిగా నటిస్తున్న తాజా చిత్రం ‘డేవిడ్ రెడ్డి’. హనుమా రెడ్డి యక్కంటి దర్శకుడు. పాన్ ఇండియా సినిమా ఇది. దసరాకు ప్రేక్షకుల ముందుకురానుంది. బుధవారం మంచు మనోజ్ పుట్టినరోజు సందర్భంగా టీజర్ను విడుదల చేశారు. 1897-1920ల మధ్య జరిగిన ఈ కథలో అమాయక భారతీయుల్ని హింసిస్తున్న ఆంగ్లేయులపై ప్రతి దాడులు చేస్తూ హింసామార్గాన్ని ఎంచుకున్న డేవిడ్ రెడ్డి పాత్రలో కనిపించారు మంచు మనోజ్. 2 వేల మందిని ఒంటరిగా ఎదుర్కొన్న డేవిడ్రెడ్డిని తమవైపుకు తిప్పుకునేందుకు బ్రిటిషర్స్ ఎలాంటి ప్లాన్ చేశారు?
ఈ నేపథ్యంలో డేవిడ్ రెడ్డి ఏ నిర్ణయం తీసుకున్నాడు? అతను దేశాన్ని ఎందుకు మోసం చేయాలనుకున్నాడు? వంటి అంశాలతో టీజర్ ఆసక్తికరంగా సాగింది. డేవిడ్ రెడ్డి కాదు రాక్షస రెడ్డి అని బ్రిటిషర్స్ భయంతో చెప్పడం ఆయన పాత్ర తాలూకు ఇంటెన్సిటీని చూపించింది. యాక్షన్ సీక్వెన్స్ హైలైట్గా నిలిచాయి. మరియా ర్యాబోషాఫ్కా, రమ్యకృష్ణ, సముద్రఖని తదితరులు నటిస్తున్న ఈ చిత్రానికి సంగీతం: రవి బస్రూర్, నిర్మాతలు: భరత్ మోటుకూరి, నల్లగంగుల వెంకట్రెడ్డి, దర్శకత్వం: హనుమా రెడ్డి యక్కంటి.
