భర్త వివాహేతర సంబంధం క్రూరత్వం కిందకు రాదు

ఐపీసీ సెక్షన్‌ 498ఏ కింద భర్త వివాహేతర సంబంధం కలిగి ఉండటం ఒక్కటే భార్యను వేధించినట్లుగా క్రూరత్వం కిందకు రాదని మద్రాస్‌ హైకోర్టు స్పష్టం చేసింది.

• మద్రాస్‌ హైకోర్టు సంచలన తీర్పు

చెన్నై: ఐపీసీ సెక్షన్‌ 498ఏ కింద భర్త వివాహేతర సంబంధం కలిగి ఉండటం ఒక్కటే భార్యను వేధించినట్లుగా క్రూరత్వం కిందకు రాదని మద్రాస్‌ హైకోర్టు స్పష్టం చేసింది. ఇందుకు ఇతర అంశాలను కూడా ప్రాసిక్యూషన్‌ నిరూపించాల్సి ఉంటుందని జస్టిస్‌ సుందర్‌ మోహన్‌ పేర్కొన్నారు.

‘పినాకిన్‌ మహిపత్రయ రావల్‌ వర్సెస్‌ గుజరాత్‌ రాష్ట్రం’ కేసులో సుప్రీంకోర్టు ఇచ్చిన తీర్పు ద్వారా ఈ న్యాయపరమైన అంశం నిశ్చయమైందని ఆయన తెలిపారు. ఒక మహిళ తన ఒకటిన్నరేండ్ల బిడ్డతోపాటు ఆత్మహత్య చేసుకున్న ఘటనకు సంబంధించి ఆమె సోదరుడు దాఖలు చేసిన అప్పీల్‌ను విచారిస్తున్న సందర్భంగా కోర్టు ఈ వ్యాఖ్యలు చేసింది. ఆ మహిళ ఆత్మహత్యకు పాల్పడేలాంటి క్రూరత్వం జరిగినట్లు ఆధారాలు లేవని పేర్కొంటూ కోర్టు తీర్పునిచ్చింది.