జిలెటిన్‌ స్టిక్స్‌ పేలి ఏడుగురి దుర్మరణం

ఆంధ్రప్రదేశ్‌లోని అల్లూరి సీతారామరాజు జిల్లాలో శనివారం ఉదయం ఘోర అగ్ని ప్రమాదం జరిగింది.

• ఏపీలోని అల్లూరి జిల్లా రోడ్డు పనుల్లో ఘటన

పినకోట: ఆంధ్రప్రదేశ్‌లోని అల్లూరి సీతారామరాజు జిల్లాలో శనివారం ఉదయం ఘోర అగ్ని ప్రమాదం జరిగింది. అనంతగిరి మండలం పినకోట వద్ద రోడ్డు పనుల కోసం బ్లాస్టింగ్‌(పేలుడు) చేపడుతుండగా ఇది చోటు చేసుకొంది. పేలుడు పనుల కోసం కాంట్రాక్టర్‌ జిలెటిన్‌ స్టిక్స్‌ను తెప్పించి లారీలో ఉంచారు.

ఆ లారీలో డీజిల్‌ నింపుతుండగా మంటలు చెలరేగాయి. ఆ మంటలు అంటుకొని జిలెటిన్‌ స్టిక్స్‌ పేలాయి. దీంతో అక్కడున్న ఏడుగురు ప్రాణాలు కోల్పోయారు. పేలుడు ధాటికి రెండు వాహనాలు ధ్వంసమయ్యాయి. మృతుల్లో అయిదుగురు కార్మికులు, ఒక డ్రైవర్‌, అటుగా వెళ్తున్న టీచర్‌ ఉన్నారు.