నటి శిల్పాశెట్టి దంపతులపై లుకౌట్‌ నోటీసులు

బాలీవుడ్‌ నటి శిల్పా శెట్టి, ఆమె భర్త రాజ్‌ కుంద్రాలపై ముంబై పోలీసులు లుకౌట్‌ సర్క్యులర్లను జారీచేశారు. వీరు రూ.60 కోట్ల మోసానికి పాల్పడినట్లు ముంబై వ్యాపారవేత్త దీపక్‌ కొఠారీ ఫిర్యాదు చేశారు.

ముంబై: బాలీవుడ్‌ నటి శిల్పా శెట్టి, ఆమె భర్త రాజ్‌ కుంద్రాలపై ముంబై పోలీసులు లుకౌట్‌ సర్క్యులర్లను జారీచేశారు. వీరు రూ.60 కోట్ల మోసానికి పాల్పడినట్లు ముంబై వ్యాపారవేత్త దీపక్‌ కొఠారీ ఫిర్యాదు చేశారు. తన కంపెనీ 2015 నుంచి 2023 వరకు రుణం, పెట్టుబడి రూపంలో రూ.60.4 కోట్లను ఈ దంపతులకు ఇచ్చిందని తెలిపారు. ఈ సొమ్మును వీరు తమ వ్యక్తిగత అవసరాలకు వాడుకున్నారని ఆరోపించారు. ఈ కేసులోని బెస్ట్‌ డీల్‌ టీవీ ప్రైవేట్‌ లిమిటెడ్‌ కంపెనీ ప్రస్తుతం మూతపడింది. ఈ కేసుపై 2024లో ఎన్‌సీఎల్‌టీ విచారణ జరిపిందని శిల్ప, రాజ్‌ల తరపు న్యాయవాది తెలిపారు.