ఎమర్జెన్సీ బాధితుల త్యాగాలను గౌరవిద్దాం

దేశంలో ఎమర్జెన్సీని ప్రతిఘటించిన వ్యక్తుల త్యాగాలను స్మరించుకుని గౌరవించాలని కేంద్ర మంత్రివర్గం నిర్ణయించింది. రాజ్యాంగబద్ధ హామీగా ఇచ్చిన హక్కులు అపహరణకు గురై, ఆపై ఊహించలేని భయానక పరిస్థితులకు గురైన బాధితులకు నివాళిగా క్యాబినెట్‌ బుధవారం రెండు నిమిషాలపాటు మౌనం పాటించింది.

• భారత వ్యోమగామికి అభినందనలు
• పుణెకు రెండో మెట్రో కారిడార్‌
• ఆగ్రాలో ఆలు గడ్డల పరిశోధన కేంద్రం
• కేంద్ర మంత్రివర్గం నిర్ణయం

న్యూఢిల్లీ: దేశంలో ఎమర్జెన్సీని ప్రతిఘటించిన వ్యక్తుల త్యాగాలను స్మరించుకుని గౌరవించాలని కేంద్ర మంత్రివర్గం నిర్ణయించింది. రాజ్యాంగబద్ధ హామీగా ఇచ్చిన హక్కులు అపహరణకు గురై, ఆపై ఊహించలేని భయానక పరిస్థితులకు గురైన బాధితులకు నివాళిగా క్యాబినెట్‌ బుధవారం రెండు నిమిషాలపాటు మౌనం పాటించింది. 2025 సంవత్సరం ‘సంవిధాన్‌ హత్య దివస్‌’కు 50 సంవత్సరాలని చెప్పారు.

• భారత వ్యోమగామి శుభాన్షు శుక్లా సహా మరో ముగ్గురు వ్యోమగాములు బుధవారం యాక్సియం-4 మిషన్‌లో భాగం గా అంతరిక్ష కేంద్రానికి విజయవంతంగా పయనం కావడం పట్ల క్యాబినెట్‌ హర్షం ప్రకటించింది.
• ఆలు గడ్డల అభివృద్ధికి యూపీలోని ఆగ్రాలో అంతర్జాతీయ బంగాళ దుంపల కేంద్రం (సీఐపీ) దక్షిణాసియా ప్రాంతీ య పరిశోధన కేంద్రాన్ని 111.5 కోట్ల రూపాయలతో ఏర్పాటు చేయడానికి కేంద్ర మంత్రివర్గం ఆమోదం తెలిపింది.
• పుణెలో ఫేజ్‌ 2 మెట్రో రైలు కారిడార్‌కు కేంద్రం ఆమోదం తెలిపింది. రూ.3,626 కోట్లతో రెండు ఎలివేటెడ్‌ కారిడార్లను 12.75 కి.మీ పొడవున నిర్మిస్తారు.