సీఈసీ జ్ఞానేశ్ కుమార్‌ను తొల‌గించాల‌ని కేర‌ళం అసెంబ్లీలో తీర్మానం

Kerala Assembly: సీఈసీ జ్ఞానేశ్ కుమార్‌ను త‌న ప‌ద‌వి నుంచి తొల‌గించాల‌ని కోరుతూ ఇవాళ కేర‌ళం అసెంబ్లీలో తీర్మానం ఆమోదించారు. స‌ర్ ఓట‌ర్ల జాబితా వివాదంలో ఆయ‌న‌పై చ‌ర్య‌లు తీసుకోవాల‌ని అసెంబ్లీ కోరింది. కేర‌ళం సీఎం వీడీ స‌తీశ‌న్ నేతృత్వంలో కేర‌ళ అసెంబ్లీలో తీర్మానాన్ని పాస్ చేశారు.

న్యూఢిల్లీ: చీఫ్ ఎన్నిక‌ల క‌మీష‌న‌ర్ జ్ఞానేశ్ కుమార్‌ను త‌న ప‌ద‌వి నుంచి తొల‌గించాల‌ని కోరుతూ ఇవాళ కేర‌ళం అసెంబ్లీలో తీర్మానం ఆమోదించారు. స‌ర్ ఓట‌ర్ల జాబితా వివాదంలో ఆయ‌న‌పై చ‌ర్య‌లు తీసుకోవాల‌ని అసెంబ్లీ కోరింది. సీఈసీ జ్ఞానేశ్‌ను తొల‌గించాల‌ని కోరుతూ రాహుల్ గాంధీ నేతృత్వంలో నిర‌స‌న కొన‌సాగుతున్న విష‌యం తెలిసిందే. కేర‌ళం సీఎం వీడీ స‌తీశ‌న్ నేతృత్వంలో కేర‌ళ అసెంబ్లీలో తీర్మానాన్ని పాస్ చేశారు. ఓట‌ర్ రోల్ రివిజ‌న్‌లో తీవ్ర అక్ర‌మాలు జ‌రిగిన‌ట్లు తీర్మానంలో ఆరోపించారు. అర్హులైన ఓట‌ర్ల‌ను తొల‌గించిన‌ట్లు పేర్కొన్నారు. ఎన్నిక‌ల సంఘం ఏక‌ప‌క్షంగా వ్య‌వ‌హ‌రించిన‌ట్లు తీర్మానంలో తెలిపారు. దీన్ని స‌హించ‌కూడ‌ద‌ని అన్నారు.

స‌ర్‌లో జ‌రిగిన అక్రమాల‌ను స‌రి చేయాల‌ని తీర్మానంలో కోరారు. త‌ప్పుడు ప‌ద్ధ‌తిలో ఓట్లు తొల‌గించిన‌ అర్హులైన ఓట‌ర్ల ఓటింగ్ హ‌క్కును త‌క్ష‌ణ‌మే పున‌రుద్ద‌రించాల‌ని తీర్మానంలో కోరారు. ఎన్నిక‌ల క‌మీష‌న‌ర్ల సెల‌క్ష‌న్ క‌మిటీలో ప్ర‌ధాని, ప్ర‌తిప‌క్ష నేత‌, సీజేఐని కూడా స‌భ్యులుగా చేర్చుకోవాల‌ని తీర్మానంలో పేర్కొన్నారు. నిష్పాక్షిక, స్వేచ్ఛాయుత ఎన్నిక‌ల‌కు కేర‌ళం మ‌ద్ద‌తు ఇస్తుంద‌ని సీఎం స‌తీశ‌న్ త‌న ఎక్స్ పోస్టులో తెలిపారు.

In a historic move, the Keralam Legislative Assembly passed a resolution seeking the removal of the Chief Election Commissioner.

#Keralam https://t.co/wUiuY6QZkV

— Chief Minister, Keralam (@CMOkeralam) October 12, 2026