‘ప్రతి ఒక్కరు దైవ చింతన కలిగి ఉండాలి’

చింతపల్లి మండలం తీదేడు గ్రామంలోని శ్రీ రామాలయంలో ధ్వజస్తంభం ప్రతిష్ఠాపనతో పాటు ఆంజనేయస్వామి వారి విగ్రహ పునఃప్రతిష్ఠ కార్యక్రమాన్ని సోమ‌వారం అంగరంగ వైభవంగా నిర్వహించారు. వేదమంత్రోచ్ఛారణలు, మంగళవాయిద్యాలు,ప్రత్యేక పూజల....

– తీదేడు గ్రామ సర్పంచ్ ఉలుపాల స్వప్న శేఖర్ రెడ్డి
– రామాలయంలో ధ్వజస్తంభం, ఆంజనేయస్వామి విగ్రహ పునః ప్రతిష్ఠ‌
– పాల్గొన్న గ్రామస్తులు, భక్తులు

మాల్, అక్టోబర్ 12 : చింతపల్లి మండలం తీదేడు గ్రామంలోని శ్రీ రామాలయంలో ధ్వజస్తంభం ప్రతిష్ఠాపనతో పాటు ఆంజనేయస్వామి వారి విగ్రహ పునఃప్రతిష్ఠ కార్యక్రమాన్ని సోమ‌వారం అంగరంగ వైభవంగా నిర్వహించారు. వేదమంత్రోచ్ఛారణలు, మంగళవాయిద్యాలు,ప్రత్యేక పూజల మధ్య ఆధ్యాత్మిక వాతావరణంలో ఈ కార్యక్రమం జరిగింది. గ్రామస్తులు, భక్తులు పెద్ద సంఖ్యలో పాల్గొని స్వామివారిని దర్శించుకుని తీర్థప్రసాదాలు స్వీకరించారు. ఈ సందర్భంగా గ్రామ సర్పంచ్ ఉలుపాల స్వప్న శేఖర్ రెడ్డి మాట్లాడుతూ… గ్రామంలో ఆధ్యాత్మికతను పెంపొందించడంతో పాటు దేవాలయాల అభివృద్ధికి ప్రతి ఒక్కరూ తమ వంతు సహకారం అందించాలని కోరారు. దేవాలయాలు మన సంస్కృతి,సంప్రదాయాలకు ప్రతీకలని, భక్తి భావంతో నిర్వహించే ఇలాంటి కార్యక్రమాలు గ్రామ ప్రజల మధ్య ఐక్యతను, సోదరభావాన్ని మరింత బలోపేతం చేస్తాయని పేర్కొన్నారు. ఈ కార్యక్రమంలో ఉప సర్పంచ్, గ్రామ పాలక వర్గం, మాజీ సర్పంచులు, మాజీ ఉప సర్పంచులు, మాజీ వార్డు సభ్యులు, గ్రామ ప్రజలు అధిక సంఖ్యలో పాల్గొన్నారు.