రష్మికను అభినందించాలి

హిందీ భాష ఉచ్ఛారణపై రష్మిక మందన్నాకు ఎదురైన విమర్శలను బాలీవుడ్‌ స్క్రీన్‌ రైటర్‌ జావెద్‌ అక్తర్‌ ఖండించారు. ‘రష్మిక మాతృభాష హిందీ కాదు. అయినా స్వయంగా హిందీ మాట్లాడేందుకు ప్రయత్నిస్తున్నది. ఈ విషయంలో అంతా ఆమెను అభినందించాలి. రష్మిక హిందీ ఉచ్ఛారణ విషయంలో ఎవరికైనా సమస్య ఉంటే, వారికి ఆమె మాతృభాషైన తమిళంలో కొన్ని పదాలనిచ్చి పలకమనండి. వారెలా ఉచ్ఛరిస్తారో చూద్దాం.

హిందీ భాష ఉచ్ఛారణపై రష్మిక మందన్నాకు ఎదురైన విమర్శలను బాలీవుడ్‌ స్క్రీన్‌ రైటర్‌ జావెద్‌ అక్తర్‌ ఖండించారు. ‘రష్మిక మాతృభాష హిందీ కాదు. అయినా స్వయంగా హిందీ మాట్లాడేందుకు ప్రయత్నిస్తున్నది. ఈ విషయంలో అంతా ఆమెను అభినందించాలి. రష్మిక హిందీ ఉచ్ఛారణ విషయంలో ఎవరికైనా సమస్య ఉంటే, వారికి ఆమె మాతృభాషైన తమిళంలో కొన్ని పదాలనిచ్చి పలకమనండి. వారెలా ఉచ్ఛరిస్తారో చూద్దాం.

ఈ బూటకపు నిరాధారమైన భాషా ఆధిక్యత అమోదయోగ్యం కాదు’ అంటూ జావెద్‌ తన ఎక్స్‌ ద్వారా స్పందించారు. అయితే.. రష్మికకు మద్దతు తెలుపుతున్న క్రమంలో ఆమెను తమిళమ్మాయిగా ఆయన పేర్కొనడం ప్రస్తుతం సోషల్‌ మీడియాలో చర్చనీయాంశమైంది. రష్మిక తెలుగులో ఎక్కువ సినిమాలు చేసిన కన్నడ అమ్మాయంటూ అంతా జావెద్‌ అక్తర్‌ పోస్ట్‌ కింద కామెంట్లు పెడుతున్నారు.