Tax | పన్ను ఆదాపై ఓ లుక్కేద్దాం

చాలామంది మదుపరులకు పన్ను ఆదానే ప్రధానం. అయితే అందుకున్న అవకాశాలేంటన్నదానిపై కొందరికే అవగాహన ఉంటున్నది.

Tax | చాలామంది మదుపరులకు పన్ను ఆదానే ప్రధానం. అయితే అందుకున్న అవకాశాలేంటన్నదానిపై కొందరికే అవగాహన ఉంటున్నది. మార్కెట్‌లో అందుబాటులో ఉన్న అలాంటి పెట్టుబడులను ఒక్కసారి చూద్దాం.

• బీమా పాలసీలకు సంస్థలు నిర్ణయించిన ఫిక్స్‌డ్‌ వడ్డీరేటు ఆధారంగా రాబడులుంటాయి. వీటి ప్రీమియంపై పన్ను రాయితీ లభిస్తుంది.
• ఫిక్స్‌డ్‌ డిపాజిట్లకు సంస్థలు, బ్యాంకులు నిర్ణయించిన ఫిక్స్‌డ్‌ వడ్డీరేట్ల ఆధారంగా ఆదాయం ఉంటుంది. మీరు చేసే ఎఫ్‌డీ మొత్తాలపై పన్ను ప్రోత్సాహకం అందుతుంది.
• కేంద్ర ప్రభుత్వ పథకాల్లో కేంద్రం నిర్ణయించిన ఫిక్స్‌డ్‌ వడ్డీరేట్ల ప్రకారం ఆదాయాలుంటాయి. మీ పెట్టుబడుల ఆధారంగా ట్యాక్స్‌ ప్రయోజనాలు వర్తిస్తాయి.
• ఈఎల్‌ఎస్‌ఎస్‌లో పెట్టుబడులు మార్కెట్‌పై ఆధారపడి ఆదాయాన్ని అందిస్తాయి.

సాధనం                                              లాకిన్‌ పీరియడ్‌

• ఈక్విటీ లింక్డ్‌ సేవింగ్స్‌ స్కీం  ; 3 ఏండ్లు
• పబ్లిక్‌ ప్రావిడెంట్‌ ఫండ్స్‌  ; 15 ఏండ్లు
• యూనిట్‌ లింక్డ్‌ బీమా ప్లాన్లు  ;  5 ఏండ్లు
• సుకన్య సమృద్ధి యోజన ; 21 ఏండ్లు
• సీనియర్‌ సిటిజన్‌ సేవింగ్స్‌ స్కీం ; 5 ఏండ్లు
• నేషనల్‌ పెన్షన్‌ స్కీం  ; 60 ఏండ్లు దాటాలి
• జీవిత బీమా  ; స్కీం ఆధారంగా
• నేషనల్‌ సేవింగ్స్‌ సర్టిఫికెట్స్‌  ; 5 లేదా 10 ఏండ్లు
• ఫిక్స్‌డ్‌ డిపాజిట్లు  ; 5 ఏండ్లు

వీటిపై ఐటీ చట్టంలోని సెక్షన్‌ 80సీ, 80సీసీడీ(1), (1బీ) కింద గరిష్ఠంగా రూ.1.5 లక్షలదాకా పన్ను మినహాయింపులుంటాయి.