తీర ప్రాంత రక్షణకు విధుల్లోకి ‘ఐఎన్‌ఎస్‌ విశాఖపట్నం’

• భారత్‌లో మొట్టమొదటి స్టెల్త్‌ గైడెడ్‌ మిసైల్‌ డెస్ట్రాయర్‌
• న్యూక్లియర్‌, బయో, కెమికల్‌ యుద్ధాలను ఎదుర్కొనే శక్తి

ముంబై: భారత నావికా దళాన్ని మరింత శక్తివంతం చేయడానికి కీలక ముందడుగు పడింది. తీర ప్రాంత రక్షణే పరమావధిగా భారత తొలి స్టెల్త్‌ గైడెడ్‌ మిసైల్‌ డెస్ట్రాయర్‌ ‘ఐఎన్‌ఎస్‌ విశాఖపట్నం’ ఆదివారం ముంబై సముద్ర తీరంలో విధుల్లోకి చేరింది. ఈ కార్యక్రమంలో రక్షణ మంత్రి రాజ్‌నాథ్‌ సింగ్‌ పాల్గొన్నారు.

ప్రత్యేకతలు

• బహ్మోస్‌ సూపర్‌ సానిక్‌ వంటి శక్తివంతమైన క్షిపణులను ప్రయోగించవచ్చు
• శత్రు జలాంతర్గాములను గుర్తించి, నాశనం చేయడానికి టోర్పెడోల ఏర్పాటు
• దాడులు, సహాయ చర్యల కోసం అందుబాటులో ఏఎస్‌డబ్ల్యూ హెలికాఫ్టర్లు
• ఆయుధాలు, మందుగుండు, రాడార్లు, సెన్సార్లు, కమ్యూనికేషన్‌ యూనిట్లు అదనం
• ఎన్బీసీ (న్యూక్లియర్‌, బయోలాజికల్‌, కెమికల్‌) యుద్ధ పరిస్థితులను ఎదుర్కొనే సామర్థ్యం
• శత్రు రాడార్లకు దొరక్కుండా తప్పించుకొంటూనే, దాడులు చేసే తొలి ‘స్టెల్త్‌ గైడెడ్‌ మిసైల్‌ డెస్ట్రాయర్‌’

పొడవు: 163 మీటర్లు
వెడల్పు: 17.4 మీటర్లు
బరువు: 7,400 టన్నులు
వేగం: గంటకు 56 కిలోమీటర్లు
నిర్మాణం: మజగాన్‌ డాక్‌ లిమిటెడ్‌