నీళ్లులేక ఎండిన పంటలు.. జయశంకర్ జిల్లాలో యువరైతు వినూత్న నిరసన : వీడియో

కాంగ్రెస్‌ తెచ్చిన కరువుతో రాష్ట్రంలో రైతులు అల్లాడిపోతున్నారు. నీళ్లులేక, కరెంట్‌ రాక పంటలను కాపాడుకునేందుకు అష్టకష్టాలు పడుతున్నారు.

జయశంకర్ భూపాలపల్లి : కాంగ్రెస్‌ తెచ్చిన కరువుతో రాష్ట్రంలో రైతులు అల్లాడిపోతున్నారు. నీళ్లులేక, కరెంట్‌ రాక పంటలను కాపాడుకునేందుకు అష్టకష్టాలు పడుతున్నారు. అయినా పంటలు ఎండిపోతుం డటంతో ఆగ్రహించిన అన్నదాతలు వినూత్న పద్ధతుల్లో తమ నిరసన తెలియజేస్తున్నారు. తాజాగా జయశంకర్ భూపాలపల్లి జిల్లాలో ఓ యువరైతు వినూత్న నిరసన తెలిపారు.

గణపురం మండలం గొల్లపల్లిలో తన 3 ఎకరాల పొలంలో వరి పంట నీళ్లు లేక, కరెంటు రాక ఎండిపోవడంతో తన ద్విచక్ర వాహనంతో పొలంలో తిరుగుతూ ప్రవీణ్ అనే యువ రైతు నిరసన తెలిపాడు. కాంగ్రెస్ ప్రభుత్వం వచ్చాక రైతులకు సాగునీరు లేక, కరెంటు లేక ఇబ్బందులు ఎదుర్కొంటున్నామని, ప్రభుత్వం ఆదుకోవాలన్నారు. లేదంటే ఆత్మహత్యే శరణ్యం అంటూ రైతు ఆవేదన వ్యక్తం చేశారు.