F-1 Visa | ఎఫ్‌-1 వీసాల రద్దుపై న్యాయ పోరాటం.. ట్రంప్‌ ప్రభుత్వంపై భారత్‌, చైనా విద్యార్థుల దావా

ఎఫ్‌-1 స్టూడెంట్‌ వీసాలను చిన్న చిన్న కారణాలను చూపుతూ అమెరికా ప్రభుత్వం రద్దు చేయడాన్ని ముగ్గురు భారతీయ విద్యార్థులు, ఇద్దరు చైనా విద్యార్థులు సవాల్‌ చేశారు. వీరు న్యూ హాంప్‌షైర్‌లోని యూఎస్‌ డిస్ట్రిక్ట్‌ కోర్టులో దావా వేశారు. తమ ఎఫ్‌-1 స్టేటస్‌ను ఏకపక్షంగా, చట్టవిరుద్ధంగా రద్దు చేయడం వల్ల చట్టబద్ధమైన స్టూడెంట్‌ స్టేటస్‌కు తాము దూరమయ్యామని వాదించారు.

• నిర్బంధం, వెళ్లగొట్టడం ఆపాలని విన్నపం

F-1 Visa | వాషింగ్టన్‌ : ఎఫ్‌-1 స్టూడెంట్‌ వీసాలను చిన్న చిన్న కారణాలను చూపుతూ అమెరికా ప్రభుత్వం రద్దు చేయడాన్ని ముగ్గురు భారతీయ విద్యార్థులు, ఇద్దరు చైనా విద్యార్థులు సవాల్‌ చేశారు. వీరు న్యూ హాంప్‌షైర్‌లోని యూఎస్‌ డిస్ట్రిక్ట్‌ కోర్టులో దావా వేశారు. తమ ఎఫ్‌-1 స్టేటస్‌ను ఏకపక్షంగా, చట్టవిరుద్ధంగా రద్దు చేయడం వల్ల చట్టబద్ధమైన స్టూడెంట్‌ స్టేటస్‌కు తాము దూరమయ్యామని వాదించారు. తమ వీసాలను పునరుద్ధరించాలని, తమను నిర్బంధించడాన్ని, అమెరికా నుంచి పంపించేయడాన్ని ఆపాలని కోరారు.

వందలాది మం ది విదేశీ విద్యార్థుల ఎఫ్‌-1 వీసాలను డిపార్ట్‌మెంట్‌ ఆఫ్‌ హోం ల్యాండ్‌ సెక్యూరిటీ ఏకపక్షంగా రద్దు చేసిందని తెలిపారు. అదేవిధంగా ఆప్షనల్‌ ప్రాక్టికల్‌ ట్రైనింగ్‌ పార్టిసిపెంట్స్‌ ఎఫ్‌-1 వీసాలను కూడా రద్దు చేసిందన్నారు. భారతీయ విద్యార్థులు మణికంఠ పసుల, లింఖిత్‌ బాబు గొర్రెల, తనూజ్‌ కుమార్‌ గుమ్మడవెల్లి, చైనా విద్యార్థులు హాంగ్రుయి ఝాంగ్‌, హాయాంగ్‌ ఆన్‌ ఈ దావాను దాఖలు చేశారు. లింఖిత్‌ బాబు గ్రాడ్యుయేషన్‌ వచ్చే నెలలో పూర్తవుతుంది. గుమ్మడవెల్లి, పసుల మాస్టర్స్‌ డిగ్రీ పూర్తి కావడానికి ఒక సెమిస్టర్‌ మిగిలి ఉంది. కోర్టు జోక్యం చేసుకోకపోతే వీరి ఆశలు అడియాశలు అవుతాయి.