పట్టభద్రులకు ధన్యవాదాలు : ఎంపీ సంతోష్‌కుమార్‌

హైదరాబాద్‌ : నల్లగొండ-వరంగల్‌-ఖమ్మం, హైదరాబాద్‌-రంగారెడ్డి-మహబూబ్‌నగర్‌ గ్రాడ్యుయేట్‌ ఎమ్మెల్సీ ఎన్నికల్లో అధికార టీఆర్‌ఎస్‌ పార్టీ అభ్యర్థులు సురభి వాణీదేవి, పల్లా రాజేశ్వర్‌రెడ్డికి ఘన విజయాన్ని కట్టబెట్టిన అన్నివర్గాల పట్టభద్రులకు ఎంపీ జోగినపల్లి సంతోష్‌కుమార్‌ ధన్యవాదాలు తెలిపారు. ట్విట్టర్‌ ద్వారా ఎంపీ స్పందిస్తూ.. పార్టీ అభ్యర్థుల గెలుపు కోసం క్షేత్రస్థాయిలో కష్టించి పనిచేసిన టీఆర్‌ఎస్‌ పార్టీ నాయకులకు, కార్యకర్తలకు అభినందనలు తెలిపారు.