ఉత్తమ్.. అబద్ధాలు మానుకో
ముఖ్యమంత్రి రేవంత్రెడ్డి తరహాలోనే ఉత్తమ్ కుమార్రెడ్డి కూడా వాస్తవాలను కప్పిపెట్టి అబద్ధాలు మాట్లాడుతున్నారని బీఆర్ఎస్ఎల్పీ డిప్యూటీ ఫ్లోర్ లీడర్ హరీశ్రావు విమర్శించారు. ఇకనైనా ఉత్తమ్ అబద్ధాలు చెప్పడం మానుకోవాలని హితవుపలికారు.
- ప్రజాప్రయోజనాల కోసమే తమ్మిడిహట్టి మార్పు..
- కాంగ్రెస్ హయాంలో అనుమతులకే ఏడేండ్ల జాప్యం
- తమ్మిడిహట్టి వద్ద నీటి లభ్యత లేదనే విషయాన్ని గతంలోనే అసెంబ్లీ సాక్షిగా ఆధారాలతో వివరించా
- నీళ్లు లేని చోట ప్రాజెక్టుప్రతిపాదన కాంగ్రెస్ తప్పు
- నీటి లభ్యత ఉన్న ప్రాంతానికిప్రాజెక్టును మార్చి ఆ తప్పును నాటి బీఆర్ఎస్ ప్రభుత్వం సరిదిద్దింది
- బీఆర్ఎస్ఎల్పీ డిప్యూటీ ఫ్లోర్లీడర్ హరీశ్రావు
సిద్దిపేట, నవంబర్ 16 (నమస్తే తెలంగాణ ప్రతినిధి): ముఖ్యమంత్రి రేవంత్రెడ్డి తరహాలోనే ఉత్తమ్ కుమార్రెడ్డి కూడా వాస్తవాలను కప్పిపెట్టి అబద్ధాలు మాట్లాడుతున్నారని బీఆర్ఎస్ఎల్పీ డిప్యూటీ ఫ్లోర్ లీడర్ హరీశ్రావు విమర్శించారు. ఇకనైనా ఉత్తమ్ అబద్ధాలు చెప్పడం మానుకోవాలని హితవుపలికారు. గతంలో కాంగ్రెస్ ప్రభుత్వం చేసిన తప్పులను బీఆర్ఎస్ ప్రభుత్వం సరిదిద్ది ప్రజాధనం వృథా కాకుండా చర్యలు తీసుకుంటే, ఇప్పుడు అదే విషయాన్ని బీఆర్ఎస్పై నిందలు వేయడానికి కాంగ్రెస్ వాడుకుంటున్నదని ఆగ్రహం వ్యక్తం చేశారు. తమ్మిడిహట్టి నుంచి ప్రాజెక్టు నిర్మాణ స్థలాన్ని మేడిగడ్డకు రాజకీయ ప్రయోజనాల కోసమో, కమీషన్ల కోసమో మార్చారంటూ మంత్రి ఉత్తమ్ కుమార్రెడ్డి ఢిల్లీలో చేసిన వ్యాఖ్యలను తీవ్రంగా ఖండించారు. సోమవారం సిద్దిపేట జిల్లా కేంద్రంలోని తన క్యాంప్ కార్యాలయంలో ఆయన మీడియా సమావేశంలో మాట్లాడారు. తమ్మిడిహట్టి వద్ద నీటి లభ్యత లేదనే విషయాన్ని గతంలోనే అసెంబ్లీ సాక్షిగా ఆధారాలతో వివరించామని గుర్తుచేశారు. దేశంలో అత్యున్నత జలవనరుల సంస్థ అయిన సెంట్రల్ వాటర్ కమిషన్ ఇచ్చిన సమాచారం ఆధారంగానే చెప్తున్నామని స్పష్టంచేశారు.
కాంగ్రెస్ కాలయాపన
దాదాపు ఏడేండ్ల పాటు కేంద్రం, మహారాష్ట్ర నుంచి ప్రాజెక్టుకు అనుమతులు సాధించకుండా కాంగ్రెస్ హయాంలో కాలయాపన చేశారని హరీశ్ విమర్శించారు. అప్పటి మహారాష్ట్ర సీఎం చౌహాన్ సైతం అనుమతులు లేకుండా ప్రాజెక్టు చేపడితే ఖర్చంతా వృథా అయ్యే ప్రమాదం ఉన్నదని తెలంగాణ ముఖ్యమంత్రికి లేఖ రాశారని గుర్తుచేశారు. మహారాష్ట్ర సీఎం అభ్యంతరాలు తెలిపినా కాంగ్రెస్ ప్రభుత్వం ఎందుకు సరైన అనుమతులు సాధించలేకపోయిందో ఉత్తమ్ సమాధానం చెప్పాలని డిమాండ్ చేశారు. బీఆర్ఎస్ ప్రభుత్వం ప్రారంభించిన ప్రాజెక్టులను పూర్తిచేయకుండా కాంగ్రెస్ సర్కార్ నిర్లక్ష్యం చేస్తున్నదని మండిపడ్డారు. కాళేశ్వరం, దేవాదుల, సమ్మక బరాజ్, సీతమ్మ సాగర్, పాలమూరు-రంగారెడ్డి ఎత్తిపోతల పథకం పనులను పూర్తిచేసి ఉంటే నేడు రాష్ట్ర రైతాంగానికి ఎంతో మేలు జరిగేదని గుర్తుచేశారు. బీఆర్ఎస్ నిర్మించిన ప్రాజెక్టులకు కరువును ఎదురొనే సామర్థ్యం ఉన్నదని, వాటిని పూర్తిస్థాయిలో వినియోగించుకుంటే ప్రజలు, రైతులకు అండగా నిలిచే అవకాశం ఉన్నదని స్పష్టంచేశారు. ప్రాజెక్టుల పనులు కొనసాగించకుండా, అందుబాటులో ఉన్న నీటిని ఎత్తిపోయకుండా నిర్లక్ష్యం చేయడం వల్లే రైతులు ఇబ్బందులు పడుతున్నారని వాపోయారు. రాష్ర్టానికి కేటాయించిన నీటి వాటాను పూర్తిస్థాయిలో వినియోగించుకోవడం, రాష్ట్ర హకులను కాపాడటం, కృష్ణా జలాల పరిరక్షణలో కాంగ్రెస్ ప్రభుత్వం ఘోరంగా విఫలమైందని విమర్శించారు. కేంద్రం నుంచి అదనంగా ఒక టీఎంసీని కూడా సాధించలేని పరిస్థితిలో ప్రభుత్వం ఉన్నదని దుయ్యబట్టారు.
తప్పులుచేసి బీఆర్ఎస్పై ఆరోపణలు
కాంగ్రెస్ ప్రభుత్వం చేసిన తప్పులను కప్పిపుచ్చుకోవడానికి బీఆర్ఎస్పై ఆరోపణలు చేస్తున్నదని హరీశ్ మండి పడ్డారు. సాగునీటి విషయంలో బీఆర్ఎస్, కాంగ్రెస్ పాలన మధ్య ఉన్న తేడాను రాష్ట్ర రైతాంగం స్పష్టంగా గుర్తించిందని, ఏ రైతును అడిగినా బీఆర్ఎస్ హయాంలో సాగునీటి పరిస్థితి ఎలా ఉండేదో చెప్తారని గుర్తుచేశారు. కాంగ్రెస్ ప్రభుత్వ నిర్లక్ష్యం కారణంగా వానకాలంలోనే సుమారు 25 లక్షల ఎకరాల్లో పంటలు ఎండిపోయాయని ఆవేదన వ్యక్తంచేశారు. రైతాంగం ఎదురొంటున్న ఈ పరిస్థితికి ప్రభుత్వమే బాధ్యత వహించాలని డిమాండ్ చేశారు. ఇప్పటికైనా ఉత్తమ్ కుమార్రెడ్డి అనవసర, తప్పుడు ఆరోపణలు చేయడం మానుకోవాలని హితవు పలికారు. ఢిల్లీలో కూర్చొని బీఆర్ఎస్పై విమర్శలు చేయడం కాదని, రాష్ర్టానికి రావాల్సిన నీటి హకుల కోసం పోరాడాలని సూచించారు.
సమావేశంలో బీఆర్ఎస్ జిల్లా అధ్యక్షుడు, దుబ్బాక ఎమ్మెల్యే కొత్త ప్రభాకర్రెడ్డి, మాజీ ఎమ్మెల్సీ ఫారూఖ్, ఎస్సీ, ఎస్టీ సెల్ మాజీ చైర్మన్ బక్కి వెంకటయ్య, నాయకులు రాధాకృష్ణశర్మ, రాజనర్సు పాల్గొన్నారు.
రుణమాఫీ పూర్తిచేసి వస్తే బొకే ఇచ్చి స్వాగతిస్తా
సీఎంకు హరీశ్ బహిరంగ లేఖ
సిద్దిపేట, నవంబర్ 16 (నమస్తే తెలంగాణ ప్రతినిధి): రైతుల రుణమాఫీ పూర్తిచేసి, రూ.9 వేల కోట్ల రైతుబంధు నిధులు విడుదల చేసి ముఖ్యమంత్రి సిద్దిపేటకు వస్తే తానే బొకే ఇచ్చి స్వాగతం పలుకుతానని హరీశ్రావు ప్రకటించారు. సిద్దిపేటకు గతం లో రెండుసార్లు వచ్చినప్పుడు రైతు రుణమాఫీ, రైతుబంధు విషయంలో ఇచ్చిన హా మీలను నెరవేర్చాలని, వెటర్నరీ కాలేజీని పు నరుద్ధరించాలని, నిలిచిపోయిన అభివృద్ధి పనులను తిరిగి ప్రారంభించాలని, పంట నష్టపరిహారం చెల్లించాలని, సాగునీటి ప్రాజెక్టులు, హాస్పిటళ్లు, విద్యాసంస్థల పనులను పూర్తిచేయాలని, మల్లన్నసాగర్ నిర్వాసితులకు న్యాయం చేయాలని డిమాండ్ చేశారు. సీఎం ఇచ్చిన మాట నిలబెట్టుకోవాలని బహిరంగ లేఖ ద్వారా కోరారు. 2024 మే 2న సిద్దిపేట పాత బస్స్టాండ్లో నిర్వహించిన బహిరంగ సభలో సీఎం రైతు రుణమాఫీని ఆగస్టు 15లోగా పూర్తి చేస్తాన ని కొమురవెల్లి మల్లన్న సాక్షిగా ప్రమాణం చేశారని గుర్తుచేశారు. 45 రోజుల్లో రూ.9 వేల కోట్ల రైతుబంధు డబ్బును రైతుల ఖాతాల్లో వేస్తామని ప్రకటించారని, 230 రోజులు గడిచినా జమ కాలేదని విమర్శించారు.
అభివృద్ధి పనులు నిలిపివేత
నియోజకవర్గానికి గతంలో మంజూరైన రూ.1,070 కోట్ల విలువైన వివిధ అభివృద్ధి పనులను కాంగ్రెస్ ప్రభుత్వం నిలిపివేసింద ని హరీశ్ విమర్శించారు. కేసీఆర్ ప్రభుత్వం మంజూరు చేసిన వెటర్నరీ కాలేజీని కొడంగల్కు తరలించిందని ఆరోపించారు. నిలిపివేసిన పనులను పునరుద్ధరించి, పెండింగ్ నిధులు విడుదల చేయాలని డిమాండ్చేశారు. యంగ్ ఇండియా స్కూల్ను సిద్దిపేటకు ఎందుకు మంజూరు చేయలేదని ప్రశ్నించారు. పాఠశాలల్లో బ్రేక్ ఫాస్ట్ పథకాన్ని కూడా సిద్దిపేటలో ఇప్పటికీ అమలు చేయడం లేదని ఆరోపించారు.
రైతులకు పరిహారం ఏది?
సిద్దిపేట, దుబ్బాక, గజ్వేల్, హుస్నాబా ద్, బెజ్జంకి తదితర ప్రాంతాల్లో వడగండ్లు, అకాల వర్షాలతో నష్టపోయిన రైతులకు ఇప్పటికీ ప్రభుత్వం పరిహారం ఇవ్వలేదని గుర్తుచేశారు. పంట నష్టాన్ని మంత్రులు పరిశీలించి ఆదుకుంటామని హామీ ఇచ్చారని, రెండేండ్లు గడిచినా నయాపైసా పరిహారం అందలేదని విమర్శించారు. మల్లన్నసాగర్ నిర్మాణ సమయంలో అప్పటి ప్రతిపక్ష నాయకుడిగా ఉన్న రేవంత్ నిర్వాసితు ల పక్షాన అనేక హామీలు ఇచ్చారని గుర్తుచేశారు. అధికారంలోకి వచ్చి మూడేండ్లు గడుస్తున్నా సమస్యలను పరిషరించలేదన్నారు.
మూడేండ్లలో జానెడు కాలువ తవ్వలే
మల్లన్నసాగర్, రంగనాయకసాగర్ ద్వారా వేలాది ఎకరాలకు సాగునీరు అం దించే అవకాశం ఉన్నా కాలువల నిర్మాణం, భూసేకరణ పనులను నిలిపివేశారని హరీశ్ పేర్కొన్నారు. ఇరోడ్ లిఫ్ట్ ఇరిగేషన్ సీమ్ పనులు 95 శాతం పూర్తయ్యాయని, మిగిలిన ఐదు శాతం పూర్తి చేయకపోవడంతో సిద్దిపేట రూరల్ మండలంలోని 30 నుంచి 40 గ్రామాలకు సాగునీరు అందడం లేదని తెలిపారు. గౌరవెల్లి రిజర్వాయర్ పనులను బీఆర్ఎస్ ప్రభుత్వం వేగంగా పూర్తిచేసింద ని గుర్తుచేశారు. మూడేండ్లుగా కాలువల నిర్మాణం, మరమ్మతులు పూర్తి చేయకపోవడంతో ఒక ఎకరానికి కూడా సాగునీరు అందించలేని దుస్థితి నెలకొన్నదని వాపోయారు. ప్రభుత్వం పనులు నిలిపివేయడంతో తపాసుపల్లి రిజర్వాయర్కు దేవాదుల నుంచి నీరు సరిగా అందక రైతులు ఇబ్బందులు పడుతున్నారని వాపోయారు.
కోపం ఉంటే నాపై చూపు
రాజకీయ కక్షతో సిద్దిపేట అభివృద్ధిని అడ్డుకోవద్దని సీఎం రేవంత్ను హరీశ్ కోరారు. కోపం ఉంటే తనపైనే చూపాలని, సిద్దిపేట ప్రజలపై చూపవద్దని విజ్ఞప్తిచేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

