Visit:
న్యూఢిల్లీ, మే 31 : గూగుల్ కొత్తగా దోమల ఆపరేషన్ మొదలు పెట్టింది. కాలిఫోర్నియా, ఫ్లోరిడాలో 32 మిలియన్ల దోమలను రిలీజ్ చేయడానికి యూఎస్ ఫెడరల్ రెగ్యులేటర్స్ నుంచి పర్మిషన్ కోరిందని యాహూ తన రిపోర్టులో తెలిపింది. ఈ దోమలను రిలీజ్ చేయడం వెనక ప్రత్యేక కారణం ఉన్నది. ప్రస్తుతం కాలిఫోర్నియా, ఫ్లోరిడాలో దోమల వల్ల వ్యాధులు ఎక్కువగా వస్తున్నాయి.
గూగుల్ ప్రత్యేకంగా జన్యుమార్పులు చేసిన దోమలతో ప్రస్తుతం ఆ రాష్ర్టాల్లో ఉన్న సాధారణ దోమలను అరికట్టొచ్చని చెబుతున్నారు. ఈ దోమలు వ్యాధులను వ్యాప్తి చేయవు. అలాగే ప్రస్తుతం వ్యాధులను వ్యాప్తి చేసే దోమల జనాభాను తగ్గించేలా వీటిని రూపొందించారు. అయితే ఈ దోమలను ఒకేసారి విడుదల చేయరు. రెండేండ్ల కాలంలో కొద్దికొద్దిగా విడుదల చేస్తారు. ఈ గ్యాప్లో నిపుణులు దోమల వ్యాప్తిని, వాటి పనితీరును పరిశీలిస్తారు. ఈ దోమలను సుదీర్ఘకాలంలో ఉపయోగించి కాలిఫోర్నియా, ఫ్లోరిడాను వ్యాధులు తెచ్చే దోమలు లేని రాష్ర్టాలుగా తీర్చిదిద్దాలని ప్లాన్ చేస్తున్నారు.
