Visit:
FSL Fire Accident : హైదరాబాద్ నాంపల్లి ఫోరెన్సిక్ సైన్స్ ల్యాబ్ (FSL) లో ఇటీవల జరిగిన భారీ అగ్నిప్రమాదం ఘటనకు సంబంధించిన కేసులో కీలక పరిణామం చోటుచేసుకుంది. ఈ అగ్నిప్రమాద ఘటనలో మొత్తం 1,100 ఫైళ్లు దగ్ధమైనట్లు నాగ్పూర్ నుంచి వచ్చిన స్పెషల్ టీమ్ గుర్తించింది. దగ్ధమైన ఫైల్స్లోని డేటా రికవరీ కోసం ఆ బృందం తీవ్రంగా ప్రయత్నించింది. కానీ ఆ ఫైల్స్లోని డేటాను రికవరీ చేయడం కష్టమని తేల్చింది.
వివిధ కేసుల దర్యాప్తులో FSL కీలక పాత్ర పోషిస్తుంది. రక్తం, వెంట్రుకలు, వేలిముద్రలు, ఆయుధాలు, బుల్లెట్లు, డాక్యుమెంట్లు ఫోర్జరీ జరిగాయా లేదా అనేది ఈ ల్యాబ్లో పరీక్షించి తేల్చేస్తారు. డీఎన్ఏ నమూనాలు, ఎలక్ట్రానిక్ డివైజ్ల విశ్లేషణ సహా ఇతర అన్ని ఆధారాలను ల్యాబ్లో పరిశీలించి నివేదికలు తయారుచేస్తారు. కోర్టు తీర్పుల్లో ఈ ఆధారాలే కీలకంగా ఉంటాయి. ఈ ల్యాబ్లో ప్రమాద ప్రభావం పలు కేసుల దర్యాప్తుపై ఎంతమేర పడనుందనేది ఆందోళనకరమైన విషయంగా మారింది.
