తొలి మ‌హిళా న్యాయ‌మూర్తి అన్నా చాందీ.. చరిత్ర‌లో ఈరోజు

దేశంలో తొలి మహిళా న్యాయమూర్తి అన్నా చాందీ 1905 లో స‌రిగ్గా ఇదే రోజున జన్మించారు.

May 4, 2021 / 01:05 PM IST

తొలి మ‌హిళా న్యాయ‌మూర్తి అన్నా చాందీ.. చరిత్ర‌లో ఈరోజు

దేశంలో తొలి మహిళా న్యాయమూర్తి అన్నా చాందీ 1905 లో స‌రిగ్గా ఇదే రోజున జన్మించారు. కేరళలోని త్రివేండ్రం లో జన్మించిన అన్నా చాందీ 1926 లో త్రివేండ్రం లోని ప్రభుత్వ లా కాలేజీ నుంచి న్యాయ పట్టా పొందారు. కేరళ నుంచి న్యాయ పట్టా పొందిన మొదటి మహిళ కూడా ఆమె. 1929 నుంచి లా ప్రాక్టీస్ ప్రారంభించారు. 1930 లో ‘మిసెస్’ అనే పత్రికను ప్రారంభించి.. మహిళల స్వేచ్ఛ, వితంతు వివాహం, మహిళలకు సంబంధించిన స‌మ‌స్య‌ల‌పై క‌థ‌నాలు వ్రాయ‌డం ప్రారంభించారు.

1931 లో క్రియాశీల రాజకీయాల్లో పాల్గొనాలని నిర్ణయించుకుని.. శ్రీ మూలం అసెంబ్లీ ఎన్నికల బ‌రిలో నిలిచి ఓట‌మి చెందారు. అయితే, ఓట‌మిని అంత త్వ‌ర‌గా జీర్ణించుకోని ఆమె.. అనంత‌రం ఇదే నియోజ‌క‌వర్గం నుంచి పోటీ చేసి విజ‌యం సాధించారు. 1937 లో ట్రావెన్‌కోర్ దివాన్ ఆమెను మున్సిఫ్‌గా నియమించారు. దీంతో ఆమె దేశానికి తొలి మహిళా న్యాయమూర్తి అయ్యారు. అన్నా చాందీ ఇక ఇక్కడి నుంచి వెనక్కి తిరిగి చూడలేదు. 1948 లో ఆమె జిల్లా న్యాయమూర్తి అయ్యారు.

1959 ఫిబ్రవరి 9 న అన్నా కేరళ హైకోర్టు న్యాయమూర్తిగా నియ‌మితుల‌య్యారు. 1967 ఏప్రిల్ 5 వరకు ఈ పదవిలో ఉన్నారు. పదవీ విరమణ చేసిన అనంత‌రం భారతదేశ లా కమిషన్ చైర్‌ప‌ర్స‌న్‌గా నియ‌మితుల‌య్యారు. 1996 జూలై 20 న జస్టిస్ చాందీ తన 91 సంవత్సరాల వయసులో మరణించారు.