144.4 కోట్ల ఆస్తులు అటాచ్‌

• ఐఎంఎస్‌ కుంభకోణంలో ఈడీ నిర్ణయం
• అందులో 97 స్థలాలు, 6 విల్లాలు,
• 18 దుకాణాలు సహా పలు ఆస్తులు
• మనీలాండరింగ్‌పై మరింత లోతుగా ఆరా

హైదరాబాద్‌, నవంబర్‌ 23 (నమస్తే తెలంగాణ): ఇన్సూరెన్స్‌ మెడికల్‌ సర్వీసెస్‌(ఐఎంఎస్‌) కుంభకోణం కేసులో నిందితులకు సంబంధించిన రూ.144.4 కోట్ల విలువైన ఆస్తులను ఎన్‌ఫోర్స్‌మెంట్‌ డైరెక్టరేట్‌ మంగళవారం అటాచ్‌ చేసింది. అప్పటి డైరెక్టర్‌ డాక్టర్‌ దేవికారాణి సహా కీలక నిందితులు, వారి కుటుంబ సభ్యులకు చెందిన ఇండ్లు, విల్లాలు, నివాస స్థలాలు, బ్యాంక్‌ బ్యాలెన్స్‌లు అటాచ్‌ చేసిన వాటిలో ఉన్నాయని ఈడీ అధికారులు తెలిపారు. ఈ కుంభకోణంలో భాగంగా 2015-16, 2018-19 మధ్యకాలంలో రూ.211 కోట్ల ప్రభుత్వ సొమ్మును కొల్లగొట్టి, ఆస్తులు కూడబెట్టినట్టు ఈడీ ఆధారాలు సేకరించింది. ఈ కేసులో అరెస్టయిన నిందితులంతా బెయిల్‌పై బయటే ఉన్నారు.

ఈడీ జప్తు చేసిన ఆస్తుల జాబితా ఇదీ

• 131 స్థిరాస్తులు
• 97 ఓపెన్‌ ప్లాట్లు, 6 విల్లాలు, 18 కమర్షియల్‌ దుకాణాలు, 6 వ్యవసాయ స్థలాలు, నాలుగు ఫ్లాట్లు
• ఇవన్నీ హైదరాబాద్‌ సహా తెలంగాణ, ఆంధ్రప్రదేశ్‌, బెంగళూరు, నోయిడాలో ఉన్నవే
• పలు బ్యాంకుల సెక్యూరిటీ, ఫిక్స్‌డ్‌ డిపాజిట్లు

జప్తుచేసిన నిందితుల ఆస్తులు

• దేవికారాణి: రూ.17,26,41,500.
• ఫార్మసిస్ట్‌ నాగలక్ష్మి: రూ.2,45,03,000
• జాయింట్‌ డైరెక్టర్‌ డాక్టర్‌ పద్మ: రూ.74,08,000
• ఓమ్నీ మెడికల్‌ గ్రూప్‌ ఎండీ కే శ్రీహరిబాబు: రూ.119,89,69,940
• పడరి రాజేశ్వర్‌రెడ్డి: రూ.4,07,45,375.
• మొత్తం రూ.144,42,67,813