Drinking Water | రాష్ట్రంలో మొద‌లైన తాగునీటి కష్టాలు.. ఈ దృశ్యాలు చూశారా..?

Drinking Water| | రాష్ట్రంలోని ప‌లు ప్రాంతాల్లో తాగునీటి క‌ష్టాలు మొద‌ల‌య్యాయి. తాగునీరు లేక ట్యాంకర్ల కోసం ప్రజలు బిందెలు, డ్రమ్ములతో వేచి చూస్తున్నారు.

Drinking Water |  కాంగ్రెస్ స‌ర్కార్ పాల‌న‌లో ఓ వైపు సాగునీరు క‌ష్టాలు, మ‌రోవైపు క‌రెంట్ కోత‌ల‌తో రైతులు స‌త‌మ‌త‌మ‌వుతున్న దృశ్యాలు రాష్ట్ర‌వ్యాప్తంగా వెలుగులోకి వ‌స్తున్న విష‌యం తెలిసిందే. ఇక ముందస్తు ప్ర‌ణాళిక‌లు లేక‌పోవ‌డంతో మ‌రోవైపు తెలంగాణ వ్యాప్తంగా ప‌లు ప్రాంతాల్లో ప్ర‌జ‌ల‌కు తాగునీటి క‌ష్టాలు మొద‌ల‌య్యాయి.

సంగారెడ్డి పట్టణంలో ఓ కాలనీలోకి తాగు నీటి కోసం వాటర్‌ ట్యాంకర్లను తీసుకొచ్చారు. తాగు నీరు పట్టుకునేందుకు మహిళలు, పురుషులు బిందెలు, బకెట్లు, డ్రమ్ములతో క్యూలైన్లు క‌ట్టిన వీడియో ఒక‌టి ఇప్ప‌టికే నెట్టింట చ‌క్కర్లు కొడుతోంది. సంగారెడ్డి జిల్లా కేంద్రంలోని పలు కాలనీల్లో నీటి క‌ష్టాలు కొన‌సాగుతున్నాయి. తాగునీరు లేక ట్యాంకర్ల కోసం ప్రజలు బిందెలు, డ్రమ్ములతో వేచి చూస్తున్నారు.

మ‌రోవైపు కరీంనగర్‌లో తాగునీటి కష్టాలు మొద‌ల‌య్యాయి. తాగు నీటి కోసం వాట‌ర్ ట్యాంకర్లను తెప్పించుకుంటున్నారు. ప్ర‌జ‌లు బిందెలు, డ్రమ్ములతో తాగునీటిని తీసుకెళ్తున్నాడు. క్యూలైన్ల‌లో నిల‌బ‌డి రిక్షాపై డ్ర‌మ్ములు, బిందెల్లో నీటిని తీసుకెళ్తున్నారు. రాష్ట్రంలో తాగునీటి కష్టాలు ఎలా ఉన్నాయో ఈ దృశ్యాలు చెప్ప‌క‌నే చెబుతున్నాయి.

 

తెలంగాణలో పెరుగుతున్న తాగునీటి కష్టాలు

సంగారెడ్డి జిల్లా కేంద్రంలోని పలు కాలనీల్లో తాగునీరు లేక ట్యాంకర్ల కోసం బిందెలు, డ్రమ్ములతో వేచి చూస్తున్న ప్రజలు https://t.co/mqFYRjnvbS

— Telugu Scribe (@TeluguScribe) October 31, 2026

కరీంనగర్‌లో మొదలైన తాగునీటి కష్టాలు

నగరంలో దర్శనమిస్తున్న ట్యాంకర్లు

బిందెలు, డ్రమ్ములతో తాగునీటిని తీసుకెళ్తున్న ప్రజలు https://t.co/WXXMWUsDbJ

— Telugu Scribe (@TeluguScribe) October 31, 2026