ధర్మపురి ప్రేమకథ

గగన్‌ విహారి, అపర్ణదేవి జంటగా రూపొందుతున్న చిత్రం ‘1996 ధర్మపురి’. 1996 సంవత్సరంలో జగిత్యాల జిల్లా ధర్మపురిలో జరిగిన కొన్ని యదార్థ సంఘటనల ఆధారంగా తెరకెక్కుతున్న చిత్రమిది. జగత్‌ దర్శకుడు. నృత్య దర్శకుడు శేఖర్‌ మాస్టర్‌ సమర్పణలో భాస్కర్‌ యాదవ్‌ దాసరి ఈ చిత్రాన్ని నిర్మించారు. ఇటీవల ఈ చిత్ర ట్రైలర్‌ను దర్శకుడు మారుతి విడుదల చేశారు. దర్శకుడు మాట్లాడుతూ ‘ట్రైలర్‌ చూసిన వాళ్లు అభినందిస్తున్నారు. రాజ గడిలో పనిచేసే ఓ జీతగాడు, బీడీలు చుట్టే అమ్మాయి మధ్య నడిచే ప్రేమకథ ఇది. ధర్మపురిలో చిత్రీకరణ చేశాం. ఈ నెల 22న చిత్రాన్ని విడుదల చేస్తున్నాం’ అన్నారు.