చండ్రుగొండ‌లో నీట మునిగిన పంట పొలాలు

భద్రాద్రి కొత్తగూడెం జిల్లా చండ్రుగొండ మండల వ్యాప్తంగా బుధవారం భారీ వర్షం కురవడంతో వాగులు వంకలు పొంగి పంటచేలు నీట మునిగాయి. ప్రధానంగా ఎదుర్ల వాగు, లంకల వాగు, రావికంపాడు వాగు, బాల్య తండా వాగులు పొంగి ప్రవహించాయి.

చండ్రుగొండ, నవంబర్ 4 : భద్రాద్రి కొత్తగూడెం జిల్లా చండ్రుగొండ మండల వ్యాప్తంగా బుధవారం భారీ వర్షం కురవడంతో వాగులు వంకలు పొంగి పంటచేలు నీట మునిగాయి. ప్రధానంగా ఎదుర్ల వాగు, లంకల వాగు, రావికంపాడు వాగు, బాల్య తండా వాగులు పొంగి ప్రవహించాయి. కోతకొచ్చిన వరి పొలాలు నేత వాల‌డంతో రైతులు ఆందోళన చెందుతున్నారు. మిరప తోటలు నీట మునిగి నేలకొరిగాయి. పత్తి చేలు పత్తితీతలకు వచ్చి ముద్దయినాయి. రైతులను ఈ వర్షం భారీగా నష్ట పరిచిందని ఆవేదన వ్యక్తం చేస్తున్నారు. మండల వ్యాప్తంగా జరిగిన పంట నష్టాన్ని అంచనా వేయాలని రైతులు కోరుతున్నారు.