స్పామ్‌ కాల్స్‌, మెసేజ్‌లకు చెక్‌

పనిలో ఉన్నప్పుడో.. ప్రయాణం చేస్తున్నప్పుడో.. లేక విశ్రాంతి తీసుకుంటున్నప్పుడో కొంపలు మునిగిపోతున్నట్టు కాల్స్‌ వస్తూంటాయి. తీరా ఫోన్‌ ఎత్తి మాట్లాడితే.. అక్కడ ఆ ప్లాట్‌, ఇక్కడ ఈ క్రెడిట్‌ కార్డ్‌ ఆఫర్‌ అంటూ రకరకాల అడ్వైర్టెజ్‌మెంట్లు.

• డీఎన్‌డీ యాక్టివేట్‌ ఎలా?

న్యూఢిల్లీ, నవంబర్‌ 26: పనిలో ఉన్నప్పుడో.. ప్రయాణం చేస్తున్నప్పుడో.. లేక విశ్రాంతి తీసుకుంటున్నప్పుడో కొంపలు మునిగిపోతున్నట్టు కాల్స్‌ వస్తూంటాయి. తీరా ఫోన్‌ ఎత్తి మాట్లాడితే.. అక్కడ ఆ ప్లాట్‌, ఇక్కడ ఈ క్రెడిట్‌ కార్డ్‌ ఆఫర్‌ అంటూ రకరకాల అడ్వైర్టెజ్‌మెంట్లు. ఇక ఇన్‌బాక్స్‌ నిండిపోయేలా ఎస్‌ఎంఎస్‌ల సంగతి సరేసరి. ఆ ఫోన్‌ కాల్స్‌ను ఎత్తలేక, ఈ మెసేజ్‌లను డిలీట్‌ చేయలేక మొబైల్‌ ఫోన్‌ యూజర్లు సతమతమైపోతున్నారంటే అతిశయోక్తి కాదు. మన లో చాలామందిదీ ఇదే పరిస్థితి.

ఇదీ సంగతి..
అవాంఛిత మొబైల్‌ ఫోన్‌ కాల్స్‌, ఎస్‌ఎంఎస్‌లు ఇటీవలి కాలంలో బాగా పెరిగిపోయాయి. అయితే కొత్తగా వస్తున్న కృత్రిమ మేధస్సు (ఏఐ), మెషీన్‌ లెర్నింగ్‌లు ఈ సమస్య నుంచి మనల్ని బయటపడేస్తాయనుకుంటే పారబాటే. ఎందుకంటే సైబర్‌ క్రిమినల్స్‌ ఈ టెక్నాలజీలనే వాడుతున్నారిప్పుడు. రోబోకాల్‌ వంటి టెక్నిక్స్‌ను ఉపయోగించి మొబైల్‌ ఫోన్‌ యూజర్లకు స్పామ్‌ కాల్స్‌, ఎస్‌ఎంఎస్‌లను చేస్తున్నారు మరి.

ఏం చేయాలి?
నిజానికి గత కొన్నేండ్లుగా టెలికం రెగ్యులేటర్‌ ట్రాయ్‌.. మొబైల్‌ ఫోన్‌ వినియోగదారులను ఎంతగానో విసిగిస్తున్న ఈ అవాంఛిత కాల్స్‌, మెసేజ్‌లకు అడ్డుకట్ట వేయాలని తీవ్రంగానే శ్రమిస్తున్నది. ఈ క్రమంలో వచ్చినదే ‘డు నాట్‌ డిస్టర్బ్‌ (డీఎన్‌డీ)’ సదుపాయం. మీ మొబైల్‌ నెంబర్‌కు డీఎన్‌డీని యాక్టివేట్‌ చేయడం ద్వారా స్పామ్‌ కాల్స్‌, మెసేజ్‌ల సమస్య నుంచి బయటపడవచ్చు.అయితే కొన్ని మొబైల్‌ ఫోన్స్‌లో మెసేజ్‌ యాప్‌లోనే వద్దనుకున్న మెసేజ్‌ను మార్క్‌చేసి వాటిని ఆపేసుకోవచ్చు.

జియో కస్టమర్లు

• మైజియో యాప్‌కు వెళ్లాలి.
• అక్కడ మోర్‌ ఆప్షన్‌ను ఎంచుకోవాలి.
• ఆ తర్వాత ‘డు నాట్‌ డిస్టర్బ్‌’పై క్లిక్‌ చేయాలి.
• ‘సెట్‌ ప్రిఫరెన్స్‌’ను ఎంచుకోవాలి.
• ఫుల్లి బ్లాక్డ్‌ను ఎంచుకొంటే అన్నీ ఆగిపోతాయి.
• అయితే బ్యాంక్‌ లావాదేవీ సంబంధిత మెసేజ్‌లు, ప్రభుత్వ ఏజెన్సీల సందేశాలు ఆగవు.

ఎయిర్‌టెల్‌ కస్టమర్లు

• ఎయిర్‌టెల్‌ డీఎన్‌డీ వెబ్‌సైట్‌కు వెళ్లాలి.
• కిందనున్న రెడ్‌ కలర్‌ సెక్షన్‌లో ‘క్లిక్‌ హియర్‌’పై క్లిక్‌ చేయాలి.
• అక్కడ తెరుచుకునే బాక్స్‌లో మీ మొబైల్‌ నెంబర్‌ను టైప్‌ చేయాలి.
• వచ్చే ఓటీపీతో కొత్త స్క్రీన్‌లోకి వెళ్లి ‘స్టాప్‌ ఆల్‌’ను ఎంచుకోవాలి. లేదా 1909కు ‘START 0’ అని మెసేజ్‌ పెట్టినా డీఎన్‌డీ అవుతుంది.

వీఐ కస్టమర్లు

• మైవీఐ.ఇన్‌/డీఎన్‌డీ వెబ్‌సైట్‌కు వెళ్లాలి.
• అక్కడ మీ మొబైల్‌ నెంబర్‌ను ఎంటర్‌ చేయాలి. సెండ్‌ ఓటీపీపై క్లిక్‌ చేయాలి.
• ఓటీపీని ఎంటర్‌ చేసి వెరిఫైపై క్లిక్‌ చేయాలి.
• ఫుల్‌, పార్షియల్‌ డీఎన్‌డీ లేదా బ్లాక్‌ ప్రమోషన్స్‌ల్లో ఏదో ఒకదాన్ని ఎంచుకోవచ్చు.