మోదీ, అదానీ డాక్యుమెంటరీపై కోర్టు ఆంక్షలు

ప్రధాని నరేంద్ర మోదీ, పారిశ్రామికవేత్త గౌతమ్‌ అదానీకి సంబంధించిన ఓ వివాదాస్పద డాక్యుమెంటరీపై కలకత్తా హైకోర్టు కీలక ఆదేశాలు జారీ చేసింది. ఆ వీడియోను ప్రసారం చేయడం, అప్‌లోడ్‌ చేయడం, షేర్‌ చేయడంపై 2027 జనవరి 31 వరకు మధ్యంతర నిషేధం విధించింది.

కోల్‌కతా : ప్రధాని నరేంద్ర మోదీ, పారిశ్రామికవేత్త గౌతమ్‌ అదానీకి సంబంధించిన ఓ వివాదాస్పద డాక్యుమెంటరీపై కలకత్తా హైకోర్టు కీలక ఆదేశాలు జారీ చేసింది. ఆ వీడియోను ప్రసారం చేయడం, అప్‌లోడ్‌ చేయడం, షేర్‌ చేయడంపై 2027 జనవరి 31 వరకు మధ్యంతర నిషేధం విధించింది.

తదుపరి ఆదేశాలు వెలువడితే అంతకుముందే ఈ నిషేధం ముగిసే అవకాశం ఉందని స్పష్టం చేసింది. అదానీ ఎంటర్‌ప్రైజెస్‌ లిమిటెడ్‌ దాఖలు చేసిన పిటిషన్‌పై హైకోర్టు ఈ ఉత్తర్వులు ఇచ్చింది. టెక్‌ వ్యాపారవేత్త సబీర్‌ భాటియా సహా పలువురిని ప్రతివాదులుగా పేర్కొంటూ, డాక్యుమెంటరీ ప్రసారాన్ని నిలిపివేయాలని, పరువు నష్టం కలిగించినందుకు పరిహారం చెల్లించాలని సంస్థ కోరింది.