3 నుంచి కేరళ ప్రైవేట్‌ బస్‌ ఆపరేటర్ల నిరవధిక సమ్మె

ఆర్టీసీ బస్సుల్లో మహిళలకు ఉచిత ప్రయాణం అందించడం ద్వారా తమకు కలిగిన నష్టాలను పరిష్కరించడంలో కాంగ్రెస్‌ ప్రభుత్వం విఫలమైందని కేరళం ప్రైవేట్‌ బస్‌ ఆపరేటర్లు ఆగ్రహం వ్యక్తం చేశారు.

పాలక్కాడ్‌ : ఆర్టీసీ బస్సుల్లో మహిళలకు ఉచిత ప్రయాణం అందించడం ద్వారా తమకు కలిగిన నష్టాలను పరిష్కరించడంలో కాంగ్రెస్‌ ప్రభుత్వం విఫలమైందని కేరళం ప్రైవేట్‌ బస్‌ ఆపరేటర్లు ఆగ్రహం వ్యక్తం చేశారు. ప్రభుత్వ తీరుకు నిరసనగా నవంబర్‌ 3 నుంచి నిరవధిక సమ్మె చేపట్టనున్నట్టు మంగళవారం పాలక్కాడ్‌లో జరిగిన మీడియా సమావేశంలో ప్రకటించారు. ఈ నెల 10న రవాణా శాఖ మంత్రి జాన్‌తో జరిపిన చర్చలు ఫలప్రదం కాకపోవడంతో ఈ నిర్ణయం తీసుకొన్నామని తెలిపారు.

ప్రైవేట్‌ బస్సులు తిరిగే మార్గాల్లో విరాళాల సాయంతో ప్రభుత్వం బస్సులు నడపడం వల్ల తమ ఉపాధి దెబ్బతిందని వారు ఆరోపించారు. తమ డిమాండ్లను పరిష్కరించకపోతే నవంబర్‌ 3 నుంచి తాము బస్సులను నడపడం ఆపేస్తామన్నారు. తమ సమస్యలపై గత నెలలో ఏర్పాటు చేసిన ప్రత్యేక కమిషన్‌ చేసిన సిఫార్సులను అమలు చేయడానికి ప్రభుత్వం ప్రయత్నించడం లేదని వారు విమర్శించారు.