పురుషులకూ గర్భ నిరోధక మాత్ర!

త్వరలో పురుషులకు కూడా గర్భనిరోధక మాత్ర అందుబాటులోకి రానుంది. ఈ దిశగా అమెరికా శాస్త్రవేత్తలు పరిశోధనలు సాగిస్తున్నారు. లైంగిక చర్యకి సుమారు 30 నిమిషాల ముందు ఈ మాత్ర తీసుకుంటే, ఆరు నుంచి ఎనిమిది గంటల పాటు వీర్య కణాలను తాత్కాలికంగా అడ్డుకునేలా చేస్తుంది.

న్యూఢిల్లీ : త్వరలో పురుషులకు కూడా గర్భనిరోధక మాత్ర అందుబాటులోకి రానుంది. ఈ దిశగా అమెరికా శాస్త్రవేత్తలు పరిశోధనలు సాగిస్తున్నారు. లైంగిక చర్యకి సుమారు 30 నిమిషాల ముందు ఈ మాత్ర తీసుకుంటే, ఆరు నుంచి ఎనిమిది గంటల పాటు వీర్య కణాలను తాత్కాలికంగా అడ్డుకునేలా చేస్తుంది. అమెరికాలోని వెయిల్‌ కార్నెల్‌ మెడిసిన్‌ పరిశోధకులు ఈ ప్రాజెక్టుపై పనిచేస్తున్నారు.

వీర్య కణాల కదలికకు అవసరమైన సాల్యూబుల్‌ అడెనైలిల్‌ సైక్లేజ్‌(ఎస్‌ఏసీ) అనే ఎంజైమ్‌ పనితీరును ఈ ఔషధం తాత్కాలికంగా అడ్డుకుంటుంది. దీంతో వీర్య కణాలు అండాన్ని చేరి, ఫలదీకరణం జరిపే అవకాశాన్ని తగ్గించవచ్చని భావిస్తున్నారు. ఎలుకలపై నిర్వహించిన ప్రాథమిక పరిశోధనల్లో ఈ విధానం గర్భధారణను తాత్కాలికంగా నిరోధించినట్లు గుర్తించారు. ఔషధ ప్రభావం తగ్గిన తర్వాత సంతానోత్పత్తి సామర్థ్యం సాధారణ స్థితికి వచ్చినట్లు పరిశోధకులు తెలిపారు.