KTRs Meeting | కేటీఆర్‌ సభకు భారీగా తరలిన బీఆర్‌ఎస్‌ శ్రేణులు

KTRs Meeting | బీఆర్ఎస్ వర్కింగ్ ప్రెసిడెంట్ కేటీఆర్ ఆధ్వర్యంలో బుధవారం గోదావరిఖనిలో నిర్వహించిన సింగరేణి కార్మిక గర్జన భారీ బహిరంగ సభకు బీఆర్‌ఎస్‌ శ్రేణులు భారీగా తరలివెళ్లారు.

తాండూర్ : బీఆర్ఎస్ వర్కింగ్ ప్రెసిడెంట్ కేటీఆర్ ( KTR ) ఆధ్వర్యంలో బుధవారం గోదావరిఖనిలో నిర్వహించిన సింగరేణి కార్మిక గర్జన భారీ బహిరంగ సభ ( Singareni Karmika Garjana) కు బీఆర్‌ఎస్‌ శ్రేణులు భారీగా తరలివెళ్లారు. బెల్లంపల్లి మాజీ ఎమ్మెల్యే దుర్గం చిన్నయ్య నేతృత్వంలో బీఆర్ఎస్ మండల అధ్యక్షుడు సుబ్బ దత్తుమూర్తి, మాజీ ఎంపీపీ పూసాల ప్రణయ్ కుమార్, మాజీ జడ్పీటీసీ మంగపతి సురేష్ బాబు ఆధ్వర్యంలో తాండూర్ మండల బీఆర్ఎస్ శ్రేణులు, కార్మికులు భారీ సంఖ్యలో తరలివెళ్లారు.

కాంగ్రెస్ ప్రభుత్వం ఏర్పడ్డాక సింగరేణి కార్మికులు అనేక ఇబ్బందులు పడుతున్నారని, బీఆర్ఎస్ హయాంలో కార్మికుల సంక్షేమానికి, అభివృద్ధికి కేసీఆర్ ఎంతో కృషి చేశారని నాయకులు పేర్కొన్నారు. సింగరేణి కార్మికుల సమస్యల పరిష్కారం, ప్రస్తుత కాంగ్రెస్ ప్రభుత్వం అనుసరిస్తున్న విధానాలపై నిరసనగా బీఆర్ఎస్ ఈ సింగరేణి కార్మిక గర్జన సభను ప్రతిష్టాత్మకంగా చేపట్టి కార్మికులకు కేటీఆర్ అండగా నిలువనున్నారని అన్నారు.