మరణ ముప్పును ముందే పసిగట్టే బ్లడ్‌ టెస్ట్‌

వయసు, బరువు, బీపీ, షుగర్‌, గుండె జబ్బులు, స్మోకింగ్‌ హిస్టరీ ఇలా.. పలు రిపోర్టులను ఆధారంగా చేసుకొని మనిషి ఆరోగ్య పరిస్థితిని ఇప్పటివరకూ అంచనా వేస్తూ వస్తున్నారు.

(స్పెషల్‌ టాస్క్‌ బ్యూరో) హైదరాబాద్‌, డిసెంబర్‌ 17 (నమస్తే తెలంగాణ): వయసు, బరువు, బీపీ, షుగర్‌, గుండె జబ్బులు, స్మోకింగ్‌ హిస్టరీ ఇలా.. పలు రిపోర్టులను ఆధారంగా చేసుకొని మనిషి ఆరోగ్య పరిస్థితిని ఇప్పటివరకూ అంచనా వేస్తూ వస్తున్నారు. అయితే, ఒకే ఒక్క బ్లడ్‌ టెస్టుతో.. 5-10 ఏండ్ల ముందుగానే మరణ ముప్పును పసిగట్టి అలర్ట్‌ చేసే ఆవిష్కరణకు యూకే పరిశోధకులు తాజాగా అంకురార్పణ చేశారు. రక్తంలోని ప్రొటీన్‌ నమూనా, పనితీరు ఆధారంగా ఓ బ్లడ్‌ టెస్టు ద్వారా ఆయుష్షును అంచనా వేయవచ్చని పరిశోధకులు తెలిపారు. యూకేకు చెందిన 38 వేల మందిపై చేసిన అధ్యయనంలో సానుకూల ఫలితాలు సాధించినట్టు పేర్కొన్నారు.