Visit:
Sree Vishnu | విభిన్న కథలను ఎంచుకుంటూ తనదైన కామెడీ టైమింగ్తో ప్రేక్షకులను అలరిస్తున్న శ్రీ విష్ణు తాజా చిత్రం ‘ విష్ణు విన్యాసం థియేటర్లలో సందడి చేస్తోంది. యదునాథ్ మారుతీ రావు దర్శకత్వంలో రూపొందిన ఈ ఫ్యామిలీ ఎంటర్టైనర్ను సుమంత్ నాయుడు జి నిర్మించారు. ఫిబ్రవరి 27, 2026న విడుదలైన ఈ సినిమా మొదటి షో నుంచే పాజిటివ్ టాక్ను సొంతం చేసుకుంది. శ్రీవిష్ణుకు జోడిగా నయన్ సారిక హీరోయిన్గా నటించిన ఈ చిత్రాన్ని దర్శకుడు పూర్తి స్థాయి హిలేరియస్ ఎంటర్టైనర్గా మలిచినట్లు ప్రేక్షకుల స్పందన చెబుతోంది. ముఖ్యంగా ఫస్ట్ హాఫ్లో వచ్చే వన్లైనర్స్, సిట్యుయేషనల్ కామెడీ బాగా వర్కౌట్ అయ్యాయని సోషల్ మీడియాలో కామెంట్లు కనిపిస్తున్నాయి. హీరో-హీరోయిన్ కెమిస్ట్రీ కూడా ఆకట్టుకుందని ఓవర్సీస్ ప్రీమియర్స్ చూసిన ప్రేక్షకులు ట్వీట్లు చేస్తున్నారు.
“స్ట్రెస్ ఫ్రీ ఎంటర్టైనర్”, “వీకెండ్కు పక్కా ఫన్ మూవీ” అంటూ నెటిజన్లు ప్రశంసలు కురిపిస్తున్నారు. అయితే ప్రారంభంలో కొద్దిగా స్లో నేరేషన్, సెకండ్ హాఫ్లో స్వల్ప ల్యాగ్ ఉన్నట్లు కొందరు అభిప్రాయపడుతున్నారు. అయినప్పటికీ మొత్తం మీద సినిమా పక్కా ఫ్యామిలీ ఎంటర్టైనర్గా నిలిచిందనే టాక్ బలంగా వినిపిస్తోంది. సంగీత దర్శకుడు రతన్ అందించిన పాటలు, నేపథ్య సంగీతం సినిమాకు అదనపు ఆకర్షణగా నిలిచాయని ప్రేక్షకులు చెబుతున్నారు. ట్రైలర్, ప్రమోషనల్ కంటెంట్తోనే ముందుగా మంచి బజ్ సృష్టించిన ఈ చిత్రం, రిలీజ్ తర్వాత ఆ అంచనాలను నిలబెట్టుకుంటోందనే అభిప్రాయం వ్యక్తమవుతోంది.
ట్రేడ్ వర్గాల సమాచారం ప్రకారం ‘విష్ణు విన్యాసం’ను సుమారు రూ.19 కోట్ల మిడ్-రేంజ్ బడ్జెట్తో తెరకెక్కించినట్లు తెలుస్తోంది. శ్రీవిష్ణుకు ఉన్న మార్కెట్, ఇటీవల వచ్చిన విజయాల ప్రభావంతో ఈ చిత్రానికి మంచి డిమాండ్ ఏర్పడిందని చెబుతున్నారు. థియేట్రికల్ మరియు నాన్-థియేట్రికల్ హక్కులు కలిపి సుమారు రూ.26 కోట్లకు అమ్ముడైనట్లు ప్రచారం జరుగుతోంది. ఈ లెక్కల ప్రకారం విడుదలకు ముందే నిర్మాతలకు దాదాపు రూ.7 కోట్ల టేబుల్ ప్రాఫిట్ వచ్చినట్లుగా ట్రేడ్ విశ్లేషకులు అంచనా వేస్తున్నారు. మిడ్ బడ్జెట్ చిత్రానికి ఇది మంచి డీల్గా భావిస్తున్నారు. ప్రస్తుతం పాజిటివ్ టాక్ కొనసాగుతున్న నేపథ్యంలో ఫస్ట్ వీకెండ్లోనే బ్రేక్ ఈవెన్ దాటే అవకాశాలు ఉన్నాయని ట్రేడ్ వర్గాలు చెబుతున్నాయి. ముఖ్యంగా ఫ్యామిలీ ఆడియన్స్ థియేటర్లకు వస్తే సినిమా రన్ మరింత బలపడే ఛాన్స్ ఉందని అంచనా వేస్తున్నారు.
