Rajasthan | భార‌త్‌, పాకిస్థాన్ స‌రిహ‌ద్దులో రైల్వేట్రాక్‌పై భారీ పేలుడు.. ఆ మార్గంలో రైళ్ల రాక‌పోక‌లు నిలిపివేత‌..!

Rajasthan | భారత్‌-పాకిస్థాన్ (India-Pakistan) సరిహద్దులో రైల్వే ట్రాక్‌ (Railway Track) పై భారీ పేలుడు సంభవించింది. పేలుడు ధాటికి రైల్వే ట్రాక్ దెబ్బ‌తిన్న‌ది. రాజస్థాన్‌ (Rajasthan) లోని శ్రీగంగారామ్ (Srigangaram) జిల్లాలో మంగళవారం రాత్రి ఈ ఘ‌ట‌న చోటుచేసుకుంది. ఈ పేలుడుకు కొన్ని నిమిషాల ముందే ఆ మార్గంలో ప్యాసింజ‌ర్ రైలు వెళ్లింది.

Rajasthan : భారత్‌-పాకిస్థాన్ (India-Pakistan) సరిహద్దులో రైల్వే ట్రాక్‌ (Railway Track) పై భారీ పేలుడు సంభవించింది. పేలుడు ధాటికి రైల్వే ట్రాక్ దెబ్బ‌తిన్న‌ది. రాజస్థాన్‌ (Rajasthan) లోని శ్రీగంగారామ్ (Srigangaram) జిల్లాలో మంగళవారం రాత్రి ఈ ఘ‌ట‌న చోటుచేసుకుంది. ఈ పేలుడుకు కొన్ని నిమిషాల ముందే ఆ మార్గంలో ప్యాసింజ‌ర్ రైలు వెళ్లింది. ఆ పేలుడు ఏమాత్రం ముందు జ‌రిగినా భారీగా ప్రాణ‌న‌ష్టం జ‌రిగేది.

నిమిషాల వ్యవధిలో పేలుడు చోటుచేసుకోవడం తీవ్ర ఆందోళన రేకెత్తించింది. అధికారులు అనూప్‌గఢ్‌-సూరత్‌గఢ్‌ మధ్య రైళ్ల రాకపోకలను అధికారులు తాత్కాలికంగా నిలిపివేశారు. ఈ రైల్వే ట్రాక్‌పై 50 జీబీ పాయింట్ సమీపంలో రాత్రి సమయంలో పేలుడు జరిగింది. దాంతో ట్రాక్‌ ఆధారంగా ఉండే రెండు కాంక్రీట్ పిల్లర్లు దెబ్బతిన్నాయి. అక్కడ రెండు అడుగుల లోతు గుంత ఏర్పడింది. పేలుడు శబ్దం వినిపించిందని స్థానికులు తెలిపారు.

ఈ ఘటనతో వెంటనే భద్రతా బ‌ల‌గాలు రంగంలోకి దిగాయి. యాంటీ టెర్రరిజం, బాంబ్ డిస్పోజల్ స్క్వాడ్‌ ఘటనా స్థలానికి చేరుకున్నాయి. అనూప్‌గఢ్‌ జంక్షన్ నుంచి ప్యాసింజర్ రైలు బయలుదేరిన కొన్ని నిమిషాల తర్వాత ఈ పేలుడు జరిగింది. దాంతో ప్రయాణికుల రైలును పేల్చే కుట్ర ఏమైనా జరిగిందా..? అనే ఆందోళన వ్యక్తమ‌వుతోంది. ఇటీవల పాకిస్థాన్‌ సరిహద్దులో శ్రీగంగారామ్ ప్రాంతంలో డ్రోన్‌ల ద్వారా జారవిడిచిన ఆయుధాలు, ఆర్డీఎక్స్‌ను భద్రతా బలగాలు స్వాధీనం చేసుకున్నాయి.

ఈ పేలుడు ప‌దార్థాల స్వాధీనానికి, రైల్వే ట్రాక్‌పై పేలుడుకు ఏదైనా సంబంధం ఉందా..? అనే కోణంలో దర్యాప్తు చేపట్టినట్లు పోలీసులు వెల్లడించారు.