Ashish Reddy | సుకుమార్‌కు ఆశిష్ రెడ్డి కృత‌జ్ఞ‌తలు..ఎందుకో తెలుసా..?

యంగ్ హీరో ఆశిష్ రెడ్డి ( Ashish Reddy) ప్ర‌స్తుతం సెల్ఫిష్ సినిమాతో బిజీగా ఉన్నాడు. ఆశిష్ రెడ్డి స్టార్ డైరెక్ట‌ర్ సుకుమార్‌ (Sukumar)కు ధ‌న్య‌వాదాలు తెలియ‌జేస్తూ..ఆయ‌న‌తో క‌లిసి దిగిన ఫొటోను ఇన్ స్టాగ్రామ్‌లో పోస్ట్ చేశాడు.

June 17, 2022 / 09:15 AM IST

Ashish Reddy | సుకుమార్‌కు ఆశిష్ రెడ్డి కృత‌జ్ఞ‌తలు..ఎందుకో తెలుసా..?

స్టార్ ప్రొడ్యూస‌ర్ దిల్ రాజు (Dil Raju)మేన‌ల్లుడు ఆశిష్ రెడ్డి ( Ashish Reddy)ఇప్ప‌టికే రౌడీ బాయ్స్ సినిమాతో గ్రాండ్ ఎంట్రీ ఇచ్చిన విష‌యం తెలిసిందే. ఈ యంగ్ హీరో ప్ర‌స్తుతం సెల్ఫిష్ సినిమాతో బిజీగా ఉన్నాడు. విశాల్ కాశి ఈ చిత్రానికి ద‌ర్శ‌క‌త్వం వ‌హిస్తున్నాడు. ఆశిష్ రెడ్డి స్టార్ డైరెక్ట‌ర్ సుకుమార్‌ (Sukumar)కు ధ‌న్య‌వాదాలు తెలియ‌జేస్తూ..ఆయ‌న‌తో క‌లిసి దిగిన ఫొటోను ఇన్ స్టాగ్రామ్‌లో పోస్ట్ చేశాడు.

ఇంత‌కీ స్పెష‌ల్ ఏంటీ అనుకుంటున్నారా..? సెల్ఫిష్ (Selfish) సినిమాకు మీ గొప్ప‌ ఇన్ పుట్స్, సంభాష‌ణలు అందించ‌డ‌మే కాకుండా సినిమాను ప‌ర్య‌వేక్షిస్తూ..ప్రాజెక్టును మీ భుజాల‌పై మోస్తున్నందుకు ధ‌న్య‌వాదాలు సుక్కూ అన్న‌. సెల్ఫిష్ త్వ‌ర‌లోనే మీ ముందుకొస్తుంది..అంటూ విశాల్ కాశి, సుకుమార్‌తో దిగిన స్టిల్ షేర్ చేయ‌గా..నెట్టింట్లో ట్రెండింగ్ అవుతోంది. ప్ర‌స్తుతం షూటింగ్ ద‌శ‌లో ఉన్న ఈ చిత్రాన్ని శ్రీ వెంకటేశ్వ‌ర క్రియేష‌న్స్, సుకుమార్ రైటింగ్స్ బ్యాన‌ర్ల‌పై దిల్ రాజు, సుకుమార్ సంయుక్తంగా నిర్మిస్తున్నారు.

ఈ ప్రాజెక్టుకు మిక్కీ జే మేయ‌ర్ మ్యూజిక్ డైరెక్ట‌ర్. మ‌రిన్ని వివ‌రాల‌పై సుక్కూ టీం త్వ‌ర‌లో స్ప‌ష్ట‌త రానుంద‌ని టాలీవుడ్ స‌ర్కిల్ టాక్‌. ఇప్ప‌టికే విడుద‌లైన సెల్ఫిష్ ఫ‌స్ట్ లుక్‌కు మంచి స్పంద‌న వ‌చ్చింది.