AP News | ఏపీలో లోక‌ల్ బాడీ ఎన్నిక‌ల నిర్వ‌హ‌ణ‌కు నోటిఫికేష‌న్ విడుద‌ల‌..!

AP News | ఏపీలో పెండింగ్‌లో ఉన్న 23 లోక‌ల్ బాడీస్‌ ఎన్నికల నిర్వహణకు రాష్ట్ర ఎన్నికల సంఘం నోటిఫికేషన్‌ విడుదల చేసింది. పెండింగ్‌లో ఉన్న కార్పొరేషన్‌లు, మున్సిపాలిటీలు, నగర పంచాయతీలకు ఈనెల 26న పోలింగ్ జ‌రుగ‌నుంది. ఈ నెల‌ 30న ఓట్ల లెక్కింపు నిర్వహించనున్నారు.

AP News : ఏపీలో పెండింగ్‌లో ఉన్న 23 లోక‌ల్ బాడీస్‌ ఎన్నికల నిర్వహణకు రాష్ట్ర ఎన్నికల సంఘం నోటిఫికేషన్‌ విడుదల చేసింది. పెండింగ్‌లో ఉన్న కార్పొరేషన్‌లు, మున్సిపాలిటీలు, నగర పంచాయతీలకు ఈనెల 26న పోలింగ్ జ‌రుగ‌నుంది. ఈ నెల‌ 30న ఓట్ల లెక్కింపు నిర్వహించనున్నారు. పెండింగ్‌ కోర్టు కేసుల పరిష్కారంతో 4 కార్పొరేషన్లు, 19 మున్సిపాలిటీలు, నగర పంచాయతీలకు కలిపి మొత్తం 23 పట్టణ స్థానిక సంస్థల్లో ఎన్నికలకు పురపాలక, పట్టణాభివృద్ధిశాఖ ఏర్పాట్లు చేసింది.

23 లోక‌ల్ బాడీస్ ఇవే..!

కార్పోరేష‌న్‌లు : శ్రీకాకుళం, కాకినాడ, రాజమహేంద్రవరం, మంగళగిరి-తాడేపల్లి
మున్సిపాలిటీలు, న‌గ‌ర పంచాయ‌తీలు : ఆమదాలవలస (శ్రీకాకుళం జిల్లా), రాజాం (విజయనగరం), పాలకొల్లు, భీమవరం, తాడేపల్లిగూడెం, తణుకు (పశ్చిమగోదావరి), చింతలపూడి (ఏలూరు), గుడివాడ, తాడిగడప (కృష్ణా), పొన్నూరు (గుంటూరు), నరసరావుపేట (పల్నాడు), కందుకూరు (ప్రకాశం), పొదిలి (మార్కాపురం), కావలి, గూడూరు, అల్లూరు (నెల్లూరు), శ్రీకాళహస్తి (తిరుపతి), బి కొత్తకోట (అన్నమయ్య), బాపట్ల.