ఓటర్ కార్డుతో ఆధార్ లింక్
- బోగస్ కార్డులను నిర్మూలించేందుకే
- లింక్ స్వచ్ఛందం.. ప్రజల ఇష్టం
- ఓటరుగా నమోదుకు 4 కటాఫ్ తేదీలు
- బిల్లుకు కేంద్ర క్యాబినెట్ ఆమోదం

న్యూఢిల్లీ, డిసెంబర్ 15: నకిలీ ఓటరు కార్డులను నిరోధించడం కోసం ఓటర్ కార్డుతో ఆధార్ నంబర్ను అనుసంధానం చేయాలని కేంద్ర ప్రభుత్వం నిర్ణయించింది. ఇందు కోసం ప్రజా ప్రాతినిధ్య చట్టంలో సవరణలు చేయనుంది. దీనికి సంబంధించిన బిల్లుకు బుధవారం కేంద్ర క్యాబినెట్ ఆమోదం తెలిపింది. అయితే, తాజా బిల్లు ప్రకారం.. ఓటర్ కార్డుతో ఆధార్ లింక్ అనేది స్వచ్ఛందం.
ప్రజలు ఇష్టమైతే లింక్ చేసుకోవచ్చు. లేకపోతే లేదు. ఒకే వ్యక్తి పేర వేర్వేరు ప్రాంతాల్లో వేర్వేరు ఓటరు కార్డులు ఉండటంపై చాలా కాలం క్రితమే ఎన్నికల సంఘం(ఈసీ) దృష్టిసారించింది. బోగస్ కార్డుల నిరోధానికి ఓటర్ కార్డును ఆధార్తో లింక్ చేయాలని నిర్ణయించింది. దీనిని సుప్రీం కోర్టు తప్పు పట్టింది. ప్రజా ప్రాతినిధ్య చట్టానికి సవరణలు చేయకుండా ఆధార్ నంబర్లు సేకరించడానికి ఈసీకి అధికారం లేదని స్పష్టం చేసింది. దీంతో చట్ట సవరణ చేయాలని కేంద్రప్రభుత్వానికి ఈసీ ప్రతిపాదించింది. ఈ నేపథ్యంలోనే తాజా బిల్లు తెచ్చారు.

నాలుగు అవకాశాలు
ఓటర్ జాబితాలో పేరు నమోదుకు ఏటా నాలుగు కటాఫ్ తేదీలు ఉండేలా కేంద్రం వెసులుబాటు కల్పించింది. జనవరి 1, ఏప్రిల్ 1, జూలై 1, అక్టోబర్ 1లను కటాఫ్ తేదీలుగా పేర్కొంది. సర్వీస్ ఓటర్లకు సంబంధించిన నిబంధనలు కూడా మార్చివేశారు. రక్షణ రంగంలో పనిచేసేవారు పురుషులా, స్త్రీలా అన్నది సంబంధం లేకుండా వారి భాగస్వాములను సర్వీస్ ఓటర్లుగా పరిగణించనున్నారు. దీని కోసం చట్టంలో ‘భార్య’ అన్న స్థానంలో ‘భాగస్వామి’ అని మార్చారు. దేశంలో సెమీకండక్టర్ల ఉత్పత్తిని మెరుగుపర్చేందుకు రూ. 76,000 కోట్ల ప్రోత్సాహక విధానానికి బుధవారం కేంద్ర క్యాబినెట్ ఆమోదం తెలిపింది. భీమ్-యూపీఐ, రూపే డెబిట్ కార్డుల ద్వారా డిజిటల్ లావాదేవీలను ప్రోత్సహించడానికి రూ.1300 కోట్లతో ఇన్సెంటివ్ పథకానికి బుధవారం కేంద్రప్రభుత్వం ఆమోదం తెలిపింది.
Read Today's Latest News News in Telugu and Telugu News
RELATED ARTICLES
తాజా వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Harish Rao | తుఫాన్ ముప్పు పొంచి ఉంది.. కల్లాల్లో ఉన్న వడ్లను వెంటనే కొనాలి: మాజీ మంత్రి హరీశ్ రావు
Road accident | అదుపుతప్పి డివైడర్ను ఢీకొట్టిన కారు.. ముగ్గురు దుర్మరణం..!
CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ
‘హరీశ్రావుపై అనుచిత వ్యాఖ్యలు చేస్తే సహించేది లేదు’
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

