Viral Video | బైక్‌పై త్రీ ఇడియ‌ట్స్ సీన్‌ను రీక్రియేట్ చేశారు..ఆపై పోలీసులు ఏం చేశారంటే..!

బైక్స్‌పై స్టంట్స్ పెర్ఫామ్ చేస్తే క‌ఠిన చ‌ర్య‌లు త‌ప్ప‌వ‌ని ఢిల్లీ పోలీసులు త‌మ అధికారిక ట్విట్ట‌ర్ ఖాతాలో ఓ వీడియోను (Viral Video) పోస్ట్ చేస్తూ పౌరుల‌ను హెచ్చ‌రించారు.

న్యూఢిల్లీ : బైక్స్‌పై స్టంట్స్ పెర్ఫామ్ చేస్తే క‌ఠిన చ‌ర్య‌లు త‌ప్ప‌వ‌ని ఢిల్లీ పోలీసులు త‌మ అధికారిక ట్విట్ట‌ర్ ఖాతాలో ఓ వీడియోను (Viral Video) పోస్ట్ చేస్తూ పౌరుల‌ను హెచ్చ‌రించారు. సోష‌ల్ మీడియాలో రీల్స్ కోసం ఇలాంటి ప్ర‌మాద‌క‌ర స్టంట్స్ చేయ‌రాద‌ని ఢిల్లీ పోలీసులు ప్ర‌జ‌ల‌ను కోరుతూ ఈ పోస్ట్‌కు క్యాప్ష‌న్‌గా ఇచ్చారు.

ఈ క్లిప్‌లో త్రీ ఇడియట్స్ నుంచి జానే న‌హీ దేంగే తుఝే సాంగ్ బ్యాక్‌గ్రౌండ్‌లో ఓ వ్య‌క్తి బైక్‌ను న‌డుపుతుండ‌గా ఇద్ద‌రు మ‌హిళ‌లు వెనుక కూర్చుని ఉండ‌టం క‌నిపిస్తుంది. ఈ ముగ్గురూ అమీర్ ఖాన్ స్టార్‌గా తెర‌కెక్కిన బ్లాక్‌బ‌స్ట‌ర్ హిట్ మూవీ సీన్‌ను రీక్రియేట్ చేసేందుకు ప్ర‌య‌త్నించ‌డం ఈ వీడియోలో చూడొచ్చు. వీరిలో ఏ ఒక్క‌రూ హెల్మెట్ ధ‌రించ‌క‌పోవ‌డంతో వీరి ఫీట్‌ను చూసి ఢిల్లీ పోలీసుల‌కు చిర్రెత్తుకొచ్చింది.

AAL IZZ NOT WELL if you drive or ride dangerously for the sake of reels!@dtptraffic #DriveResponsibly pic.twitter.com/JWO3pLDiWv

— Delhi Police (@DelhiPolice) July 24, 2023

రీల్స్ కోసం ప్ర‌మాద‌క‌రంగా రైడ్ చేస్తే అంతా స‌రిగ్గా ఉండ‌ద‌ని పోస్ట్‌లో ఢిల్లీలో పోలీసులు వార్నింగ్ ఇచ్చారు. ఈ పోస్ట్‌కు ఆన్‌లైన్‌లో ఇప్ప‌టివ‌ర‌కూ 31,000కుపైగా వ్యూస్ ల‌భించ‌గా పెద్ద‌సంఖ్య‌లో నెటిజ‌న్లు రియాక్ట‌య్యారు. సోష‌ల్ మీడియా వేదిక‌ల్లో ప్రాచుర్యం కోసం 5 సెకండ్ల ఆనందం కోసం బైక్ స్టంట్స్‌కు తెగ‌బ‌డే వీడియోలు పెర‌గ‌డం ఆందోళ‌న రేకెత్తిస్తోంది.

Read More :

Meenakshi Chaudhary | అందుకే తక్కువ సినిమాలు చేస్తున్నా.. అసలు విషయం చెప్పిన మీనాక్షి చౌదరి