Aditi Rao Hydari | వనపర్తి జిల్లాలో ఉన్న శ్రీరంగాపూర్ రంగనాథస్వామి దేవాలయంలో మార్చి 27న గుట్టుచప్పుడు కాకుండా హీరో సిద్దార్థ్తో నిశ్చితార్థం కానిచ్చేసింది తెలంగాణ అమ్మాయి అదితిరావు హైదరీ. మీడియా పుణ్యమా అని ఆ విషయం అందరికీ తెలిసిపోయింది. అయితే.. 35రోజుల తర్వాత తన నిశ్చితార్థం గురించి మీడియాతో మాట్లాడింది అదితీరావు.
‘జీవితంలో జరిగే ముఖ్య ఘట్టాలని గుర్తుండిపోయేలా చేసుకోవాలి అనేది నా అభిమతం. అందుకే నా కుటుంబానికి ప్రత్యేకమైన అనుబంధం ఉన్న వనపర్తిలోని 400ఏళ్ల రంగనాథస్వామి టెంపుల్లో నిశ్చితార్థం చేసుకున్నాను.
సిద్దార్థ్కూడా నా అభిమతాన్ని గౌరవించారు. ఇప్పుడు ఈ విషయం మీడియాకు ప్రత్యేకంగా చెప్పడానికి కారణం మా అమ్మ. నా నిశ్చితార్థం విషయం బయటకు పొక్కడంతో అమ్మకు ఫోన్ కాల్స్ వస్తూనే ఉన్నాయట. అమ్మ అందరికీ సమాధానం చెప్పలేక ‘దయచేసి నీ ఎంగేజ్మెంట్ విషయం మీడియాకు చెప్పు’ అని కోరింది. దాంతో నేనూ, సిద్దార్థ్ మా ఫొటోలను పోస్టులు పెట్టాం. కేవలం మా శ్రేయోభిలాషులు మాత్రమే ఈ వేడుకలో పాల్గొన్నారు. పెళ్లి గురించి తర్వాత చెబుతా’ అని తెలిపింది అదితీరావు.