బారామతిలో బాబాయ్‌Xఅబ్బాయ్‌

మహారాష్ట్రలోని బారామతి శాసనసభ నియోజకవర్గంలో బాబాయ్‌, అబ్బాయి తలపడుతున్నారు. వచ్చే నెలలో జరిగే శాసనసభ ఎన్నికల కోసం 45 మంది అభ్యర్థులతో తొలి జాబితాను ఎన్‌సీపీ (ఎస్‌పీ) గురువారం విడుదల చేసింది. బారామతి నుంచి యుగేంద్ర పవార్‌ పోటీ చేస్తారని తెలిపింది.

పుణే: మహారాష్ట్రలోని బారామతి శాసనసభ నియోజకవర్గంలో బాబాయ్‌, అబ్బాయి తలపడుతున్నారు. వచ్చే నెలలో జరిగే శాసనసభ ఎన్నికల కోసం 45 మంది అభ్యర్థులతో తొలి జాబితాను ఎన్‌సీపీ (ఎస్‌పీ) గురువారం విడుదల చేసింది. బారామతి నుంచి యుగేంద్ర పవార్‌ పోటీ చేస్తారని తెలిపింది. ఈ నియోజకవర్గం నుంచి ఉప ముఖ్యమంత్రి, ఎన్‌సీపీ చీఫ్‌ అజిత్‌ పవార్‌ పోటీ చేస్తున్నారు. అజిత్‌ తమ్ముడి కుమారుడే యుగేంద్ర. ఎన్‌సీపీ (ఎస్‌పీ) తొలి జాబితాలో టికెట్లు పొందినవారిలో ఆ పార్టీ రాష్ట్ర శాఖ అధ్యక్షుడు జయంత్‌ పాటిల్‌, జితేంద్ర అవహద్‌, అనిల్‌ దేశ్‌ముఖ్‌, హర్షవర్ధన్‌ పాటిల్‌ ఉన్నారు.